Endrick Felipe oo Real Madrid ay horraantii toddobaadkan la gaadhay heshiis shaqsi ah, isla markaana maalmaha soo socda la filayo in si rasmi ah loogu dhawaaqo heshiiska uu ugu soo wareegayo Santiago Bernabeu ayaa durba lagu abuuray cadaawadda ay kooxdiisa cusub u hayso xiddiga reer Argentina ee Lionel Messi.
Endrick Felipe oo 16 jir ah ayay Real Madrid kala heshiisay mushaharkiisa iyo sannadaha uu saxeexayo, waxaana la uu soo gaadhi doonaa caasimadda Spain sannadka 2024, inkasta oo wali aanay Real Madrid iyo Palmeiras si buuxda ugu dhawaaqin inay laacibkan heshiiskiisa dhamaystireen.
Da’yarkan ayaa xalay sameeyey tallaabo ay markiiba falcelin ka sameeyeen taageereyaasha Real Madrid, isla markaana ku qasabtay inuu degdeg isaguna ugu jawaabo.
Endrick Felipe ayaa mrkii ay soo dhamaatay ciyaartii Argentina ay 3-0 ku garaacday Croatia, waxa qoraal uu ku daabacay bartiisa bulshada ee Twitter-ka uu ku amaanay Lionel Messi, hase yeeshee markii ay taageereyaasha Real Madrid ka falceliyeen ayuu si degdeg ah u tirtiray oo uu qoraalkaas uga saaray bartiisa bulshada.
Jamaahiirta Real Madrid ayaa u sheegay Endrick, in aanay mudnayn in uu amaano Lionel Messi iyadoo uu murugaysan yahay xiddiga kooxdiisa cusub ee Luka Modric, waxaanay taasi keentay inuu markiiba ka saaro qoraalkiisa.
Waxyar kaddib markii uu Endrick tirtiray qoraalka, waxa saxaafadda la hadlay Luka Modric oo ku tilmaamay Lionel Messi ‘ciyaartoygii ugu wanaagsanaa taariikhda kubadda cagta’, balse Endrick waxba kama beddelin go’aankii uu qoraalkiisa ku masaxay.
Endrick (futuro jugador del Madrid) ha tenido que borrar este tuit donde elogia a Messi por su jugada del 3-0. ¿Las razones? Acoso e insultos del madridismo en Twitter…
De verdad… estáis mal de la cabeza, en serio. Lo vuestro es grave. pic.twitter.com/YvgPX5YObt
— Míster Seitán (@CuentaMister) December 13, 2022
