Liverpool ayaa lagu waramayaa inay heshiis hordhac ah la gaareen xiddiga khadka dhexe ee Benfica iyo xulka Argentina Enzo Fernandez.
Fernandes ayaa isha ay qabatay intii uu socday Koobka Adduunka isagoo gool cajiib ah dhaliyay kulankii Argentina ay 2-0 kaga badisay Mexico wareegii guruubyada.
Burburiyaha khadka dhexe ayaan ku soo bilaabanin labadii kulan ee ugu horeysay wadankiisa ee Koobka Adduunka laakiin wuxuu qeyb ka ahaa shaxda xulka Argentina ee seddexdii kulan ee ku xigtay ee ay ku jirto guushii wareega sideed dhamaadka ee ay ka gaareen Netherlands.
Fernandez ayaa caadiyan ka dheela booska burburiyaha khadka dhexe ee seddex nin ee khadka dhexe, halka uu sidoo kale uu booskaas ka ciyaaro shaxda Benfica ee 4-2-3-1.
Waxaa sidoo kale lagu yaqaanaa farsamadiisa iyo awoodiisa baasaska marka loo eego awoodiisa weerar. Waxaa si weyn loo qiimeeyaa boos xirashadiisa iyo ka warqabkiisa taatikada ciyaarta.
Wargeyska Portugal ka soo baxa ee Record iyo wargeyska Isbaanishka ee AS ayaa hoosta ka xariiqay in ciyaaryahanka uu hishiis hordhac ah la gaaray Reds.
Liverpool ayaa muhiimad siineysa saxiixa xiddig khadka dhexe xagaaga soo socda ka dib markii ay seegeen saxiixa Aurelien Tchouameni kaasoo ku biiray Real Madrid, waxay sidoo kale la socdaan xaalada xiddiga khadka dhexe ee Borussia Dortmund Jude Bellingham oo kooxo badan ay ceyrsanayaan.
Fernandez ayaa kaliya Benfica ku soo biiray xagaagii isagoo hishiis 18 milyan euro uga soo wareegay kooxda Argentina ee River Plate.
Kooxda ka dhisan magaalada Lisbon ayaa dul dhigtay xiddigaan lacag gaareysa 106 milyan ginni oo qandaraaskiisa lagu burburin karo.
