Maaliyada uu Mykhailo Mudryk u xiranayo kooxda Chelsea ayaa si hoos loo soo dusiyay ka dib markii uu dhameystiray ku biiritaankiisa kooxda.
Xiddiga garabka ka ciyaaraya ayaa hishiis 100 milyan euro ah ugu wareegay Chelsea oo saxiixiisa ka afduubatay kooxda reer London ee Arsenal.
22 jirkaan ayaa ku sugan haatan garoonka Stamford Bridge isagoo daawanaya kulanka u dhaxeeya Blues iyo Crystal Palace.
Intii ay ciyaarta socotay Chelsea ayaa si rasmi ah ugu dhawaaqday inay dhameystiray saxiixa ciyaaryahanka oo qalinka ku duugay hishiis waqti dheer ah.
Haatan khabiirka suuqa kala iibsiga Fabrizio Romano ayaa sheegay in ciyaaryahanka uu maaliyada No.15 u xiran doono kooxdiisa cusub laakiin Chelsea ma aysan xaqiijinin weli.
Sawirka maaliyada Chelsea ee Mydryk ee No.15 ayaa sidoo kale waxaa Twitter soo dhigay Igor Tsyganyk
Arsenal ayaa rajo ka laheyd saxiixa Mudryk laakiin ka dib markii laga soo diiday dalabyadii ay gudbiyeen waxaa saxiixiisa ka afduubatay Chelsea oo haatan gacanta ku dhigtay xiddiga reer Ukrain.
15 номер pic.twitter.com/buSnvaz6aj
— Igor Tsyganyk (@tsyganyk) January 15, 2023
