Ciyaartoyda Aston Villa Alisha Lehmann iyo Douglas Luiz ayaa xiriirkoodii uu burburay ka dib markii ay isku qilaafeen baahinta kalandarka xiddiga Aston Villa ee 2023 sida ay wararka sheegayaan.
Lamaanahaan ayaa wada jiray muddo ka badan sannad ka dib markii ay ku kulmeen garoonka tababarka kooxda, waxayna tan iyo markaas noqdeen kuwa si weyn uga muuqda baraha bulshada.
Bishii September waxay si wadajir ah wareysi u siiyeen warbaahinta Aston Villa iyagoo ka qeyb qaatay barnaamij loogu magacdaray “Mr and Mrs” taasoo ay si weyn u jeclaadeen taageerayaasha.
Laakiin waxay u muuqataa gabadha u ciyaarta xulka Switzerland ee Alisha Lehmann iyo xiddiga khadka dhexe ee Brazil Douglas Luiz inay soo gabagabeeyeen xiriirkooda ka dib markii ay isku qilaafeen baahinta kalandarkeeda, sida ay sheegtay The Sun.
Ilo ku dhow lamanahaan oo u waramay The Sun ayaa yiri: “Douglas si weyn ayuu u jeclaa Alisha. Markii ugu horeysay uu arkay wuxuu ku dalbaday inay xiriir yeeshaan ka dibna waxay noqdeen lamaane kubada cagta ah.
“Lakiin nasiibdarro Alisha ayaa dalabkeeda uu batay taasoo bilow u noqotay gabagabada xiriirkooda.
“Markii la weydiistay inay isku sawirto kalandar, durbadiiba hore ayay ka aqbashay lakiin isagu kuma faraxsaneyn in jirkeeda ay ku soo bandhigto kalandar. Wax badan ayay ka murmeen ugu danbeyna way kala tageen.”
