Tababaraha xulka Argentina ee Lionel Scaloni ayay wararku sheegayaan inuu markale go’aan muran badan dhalin kara qaatay kahor kulanka guul ama geerida ah ee caawa dalkiisu la ballansan yahay dhigiisa Poland.
Argentina ayaa guul ay gaadho xataa booska koowaad ee Group C kaga bixi karta balse barbardhac ama guuldarro ayaa halis weyn ku ah rajadeeda wareega 16-ka Koobka aduunka.
Argentina ayaa kulankii koowaad ee Group-ka guuldarro lama filaan ah kala kulantay Saudi Arabia oo ka jabiyay rekoodh guuldarro la’aan 36 kulan ah kaddib markii ay 2-1 uga adkaadeen.
Intaas kaddib xulka ree South America ayaa kulan xoogan la dheelay Mexico oo ay ugu dambayn 2-0 ku jiidheen kaddib goolal ka yimid Lionel Messi iyo Enzo Fernandez.
Warka lama filaanka ah ayaa ah in warbaahinta Argentina ay haatan xusayso in Scaloni caawa keydka dhigayo daafaca dhexe ee Lisandro Martinez oo kamid ahaa kuwii guushii Mexico muhiimka u ahaa.
Saxafi Gaston Edul oo ah midka xogtan qoraya ayaa sheegaya inay u badantahay in Nicolas Otamendi iyo Christian Romero kasoo hormaraan daafaca dhexe ee Manchester United.
