Arsenal ayaa madax xanuun ka qaaday kulankii Emirates Stadium iyadoo Newcastle ay soo bandhigtay inay ka go’an tahay inay Champions League u soo baxaan xilli ciyaareedka soo socda.
Barbaraha waxa uu Arsenal ka horistaagay rikoodhka guushii 10aad oo isku xigta oo ay ku gaaraan gurigooda horyaalka Premier League.
Xogta kale ee kulankaan laga diiwaangeliyay waxaa ka mid ah in Arsenal ay ku guuldareysatay markii ugu horeysay xilli ciyaareedkan inay gurigeeda Emirates ku badiso horyaalka.
Newcastle ayaa iyagana soo bandhigtay sababta ay yihiin kooxda ugu difaaca adag Premier League xilli ciyaareedkan iyagoo shabaqa ilaashaday 10 kulan, waxaana laga dhaliyay kaliya 11 gool xilli ciyaareedkan.
Dhibicda ay ka qaateen Arsenal waxay la micno tahay inay haatan marayaan kulankii 13aad oo aan laga badinin, waxayna ugaarsi xoogan ugu jiraan inay ku dhameystaan afarta sarre.
XIDDIGA GAROONKA
Bukayo Saka (Arsenal). Weeraryahanka ayaa halis ahaa intii ay ciyaarta socotay oo dhan, wuxuuna neefta ku dhejiyay Dan Burn oo habeen adag ku qaatay Emirates Stadium.
Xaqiiqdiina xiddiga Newcastle ayaa ka mahad naqay in asxaabtiisa kale ee Newcastle inay ka caawiyeen inay la celiyaan Biukayo Saka, iyagoo u diiday inuu shabaqa soo taabo.
QIIMEYNTA CIYAARTOYDA
ARSENAL: Ramsdale 7, White 6, Saliba 7, Gabriel 7, Zinchenko 6, Xhaka 7, Partey 7, Saka 8, Odegaard 7, Martinelli 7, Nketiah 7.
Bedel: Tomiyasu 6.
NEWCASTLE: Pope 7, Trippier 7, Botman 7, Schar 7, Burn 7, Willock 7, Longstaff 7, Guimaraes 7, Almiron 6, Wilson 6, Joelinton 7.
Bedel: Wood 6, Murphy 6, Saint-Maximin n/a.
Ciyaarta waxay aheed mid fican laakin waxaan dhalilsanahay VRA oo rigoore udiday Arsenal