Chelsea ayaa heshiis hordhac ah la gaadhay xiddiga reer Portugaj ee Joao Felix oo ay ka hor qaadday naadiyadii hore loola xidhiidhinayay ee Manchester United iyo Arsenal. Blues ayaa ogolaatay inay bixiso £10 milyan oo Gini oo ay Atletico Madrid dalbanaysay.
Joao Felix ayaa qaybta dambe ee xilli ciyaareedkan waxa uu amaah ugu ciyaari doonaa Chelsea, heshiiskiisana kuma jirto qodob Blues u ogolaanaya inay rasmi ahaan ula wareegi karto taas oo ka dhigan in uu Atletico Madrid dib ugu laaban doono.
23 jirkan oo uu hoos u dhacay xidhiidhka uu la leeyahay tababarihiisa Diego Simeone ayaa waxa uu xaalkoodu sii xumaaday markii uu xiddiga reer Portugal dhalliilay naadigiisa kaddib guul-darradii Axaddii ay Barcelona ugu xambaarisay Wanda Metropolitano.
Wargeyska The Ahtletic ayaa ogaaday sababta Chelsea ka caawisay saxeexa Joao Felix kaga adkaato Manchester United iyo Arsenal, waxaanay sababtu tahay in uu laacibkani doortay Blues oo la sheegay inuu la dhacsan yahay mashruuca ciyaareed iyo sida uu boos uga heli karayo.
Joao Felix oo sannadkii 2019 ay Atletico Madrid ku iibsatay £113 milyan oo Gini ayaa illaa hadda ka mid ah afrta ciyaartoy ee ugu qaalisan dunida.
