Halyeygii xulka qaranka Germany ee Lothar Matthaus ka garnaqay doodd labad ciyrtoy ee Lionel Messi iyo Cristiano Ronaldo kaddib markii uu xiddiga reer Argentina ku guuleystay Koobka Adduunka 2022.
Doodda labadan ciyaartoy ayaa muddo dheer soo jirtay, balse waxay hadda is-dheer yihiin Koobka Adduunka oo uu Lionel Messi kula guuleystay Argentina, halka Cristiano Ronaldo uu waayihiisa ciyaareed soo gunaanadi doono isaga oo ka qatan koobkan.
Ronaldo oo 37 jir ah ayaa hal gool oo kaliya ka hadiyey Koobka Adduunka, waxaana uu ahaa rikoodhe uu saxeexay kulankii ay Ghana kaga badiyeen 3-2, iyadoo dalkiisuna ku hadhay wareegga 16ka. Leo Messi ayaa isaguna Koobka Adduunka ka dhaliyey toddoba gool, xulkiisana ku hoggaamiyey inay koobkaa qaadaan.
Lothar Matthaus oo sannadkii 1990kii Koobka Adduunka la qaaday West Germany, ayaa weerar ku qaaday Cristiano Ronaldo oo uu ku eedeeyey in uu xulkiisa dhaawac u geystay halka uu Lionel Messi dalkiisa guul gaadhsiiyey.
Matthaus oo la hadlayay wargeyska BILD ee kasoo baxa waddanka Germany ayaa yidhi: “Falcelinta iyo buuqa uu abuuray, Ronaldo waxa uu ku dhaawacay xulkiisa iyo naftiisaba. Shaki kuma jiro inuu ahaa ciyaartoy wanaagsan iyo dhaliye dilaa ah. Laakiin hadda waxa uu dhaawacay sharaftiisii. Aniga way igu adag tahay in aan ka fikiro sida uu kooxda boos uga heli karayo. Waan ka xumahay sida uu yahay Ronaldo.
“Dabcan Ronaldo si weyn ayuu ugu fashilmay Koobka Adduunka, Messi na wuu ka duwanaa, run ahaantiina waa guuleyste dhab ah, waanu u qalmayay guusha, dhamaan taageereyaasha kubadda cagtuna way ku faraxsan yihiin tayadiisa iyo sida uu u ciyaarayay 17 illaa 18 sannadood. Aniga ahaan, Messi waa ciyaartoygii qarniga.”
