Hal-hays cinwaankiisu ahaa ‘Kevin De Bruyne, waa ciyaartoygii abid ugu liitay kulamada waaweyn’ ayaa qabsaday warbaahinta bulshada, kaddib markii uu xulka qaranka Belgium ka hadhay Koobka Adduunka ee ay kaalinta saddexaad kaga dhamaysteen Group F.
Belgium ayaa u baahnayd inay guuleysato si ay ugu gudubto wareegga labaad, balse Croatia ayaa difaac adag kala hor tagtay oo barbarro goolal la’aan ah ku qabatay, iyadoo qaybtii labaad uu Romelu LUkaku ka khasaariyey afar fursadood oo waaweyn.
Ugu dambayntii Croatia ayaa ku dabbaal-degtay gudaha garoonka inkasta oo iyagana laga diiday rikoodhe uu garsooruhu u dhigay oo ay VAR meesha ka saartay.
Twitter-ka ayaa waxa qabsaday magaca Kevin De Bruyne markii ay ciyaartu dhamaatay, waxaanay taageereyaasha kubadda cagtu soo taxeen liiska kulamadii waaweynaa ee uu ciyaaray ee uu muuqan waayey oo ay ugu dambaysay ciyaartii Croatia ee Khamiistii.
Koobkii Adduunka ee 2018, ciyaartii xulka qaranka Faransiisku ku reebay semi-finalka ayaan marna la arag Kevin De Bruyne oo 90kii daqiiqadoodba garoonka ku jiray, waxaana lagu tilmamay inay ahayd ciyaartiisii ugu liidataya ee uu dheelo.
Waxa kale oo ay taageereyaasha kubadda cagtu soo qaateen kulamadii Champions League ee wareegyadii dambe ee Champions League ee xilli-ciyaareedyo dhawr ah oo is-xigay oo Kevin De Bruyne aanu wax gool ah dhalin, sidoo kalena aanu wax caawinah samaynin, halka kulamaada yaryar ee uu ciyaaro uu noqdo xiddig lama taabtaan ah oo goolal iyo caawinba israaciya.
Kevin De Bruyne, the the worst big game player of all time.
THREAD pic.twitter.com/cr2l6Fmq61
— ydot🐺 (@xerneas0) December 1, 2022