Wayne Rooney oo ay dhawaanahan hadalo aan fiicnayn saxaafada isku dhaafsanayeen saaxiibkiisii Manchester United ee Cristiano Ronaldo ayaa markale hadal duraya hawada u mariyay.
Halyeeyga Red Devils oo kasoo muuqday muuqbaahiyaha JioCinema ayaa la weydiiyay inuu Harry Kane, Cristiano Ronaldo iyo Lionel Messi mid kusoo bilaabo kulan, mid keydka dhigo midna iibiyo.
Wayne ayaa sheegay inuu kusoo bilaabi lahaa Messi oo uu marar badan xusay inuu midka abid ugu fiican u aqoonsan yahay, keydka dhigi lahaa Kane isla markaana iibin lahaa Ronaldo.
Rooney ayaa ku sababeeyay inuu CR7 iibin lahaa sababtoo ah inuusan haatan boos joogto ah ka haysan Man United.
Ronaldo ayaa intii uu socday waraysigii muranka dhaliyay ee uu dhawaan siiyay saxafi Piers Morgan ku sifeeyay Rooney “Jiir” isagoo dhinaca kale ku tilmaamay inuu ka masayrsan yahay inuu wali kubadda cagta heerkeeda ugu sarreeya ka ciyaarayo.
