Tababaraha kooxda kubadda cagta Liverpool ee Jurgen Klopp ayaa si shaqsi ah telefoonka uga wacay xiddig uu doonayo inuu yimaaddo Liverpool oo uu rumaysan yahay inuu xallin doono dhibaatada ay kooxdiisu ku dhax jirto xilli ciyaareedkan.
Wariyaha reer Turkey ee Ahmet Ercanlar ayaa helay xogta wada-hadalka dhex maray tababare Jurgen Klopp iyo khadka dhexe ee kooxda Napoli ee Eljif Elmas, taas oo taageereyaal badan oo Liverpool ah layaab ku noqotay maadaama ay filayeen in kooxdoodu midkood la saxeexato Jude Bellingham iyo Enzo Fernandez oo si weyn loola xidhiidhinayay usbuucyadii u dambeeyey.
Jurgen Klopp ayaa hore uga gaabsaday inuu ka ahaadlo damaca kooxdiisa ee Jude Bellingham oo Jimcichii ay saxaafaddu ku weydiisay shirkii jaraa’id ee ka hor kulanka Aston Villa.
Xiddiga uu telefoonka kala hadlay Jurgen Klopp ee Eljif Elmas waa 23 jir khadka dhexe ah oo hal-abuur badan, una dhashay waddanka North Macedonia, waxaana uu doonayaa in uu yimaaddo Anfield bisha January ee foodda inagu soo haysa.
Ahmet Ercanlar oo soo bandhigayay xogta uu ka helay wada-hdalka Klopp iyo Eljif ayaa yidhi: “Jurgen Klopp telefoonka ayuu ka wacay Eljif Elmas, waxaana uu u sheegay in uu doonayo inuu ku arko Liverpool. Haddii ay taasi dhacdo suuqan, Fenerbahce ayaa qayb ku yeelan doonta lacagta Liverpool ku iibsato Eljif Elmas.”
Sannadkii 2017 ayuu Eljif Elmas ka tegay waddankiisa North Macedonia oo uu ku biiray kooxda reer Turkey ee Fenerbahce oo uu u saftay 47 ciyaarood ka hor intii aanu sannadkii 2019 uga wareegin Napoli oo uu markiib saamayn badan ku yeeshay.
Xilli ciyaareedkii tegay ayaa u ahaa midkiisii ugu fiicnaa oo uu toddoba gool oo dhamaan tartamada ah u saxeexay Napoli, sidoo kalena uu noqday ciyaartoygii sannadka ee waddanka North Macedonia.
