Daafacii hore ee kooxda Barcelona ayaa usoo jawaabay fanaanada ay mudada 11-ka sano ah lamaanaha ahaayeen ee Shakira oo xurguf cusubi soo kala dhex-gashay.
11-kii bishan ayay ahayd markii Shakira ay soo saartay hees durba dad 30 Milyan ka badani daawadeen oo ay ku karbaashaydo Pique oo ay kala tageen gudaha sanadkii hore.
Gerard ayaa gabadh 23 sano jir ah ku khiyaamay Shakira oo 45 sano jir ah taas oo dhalisay inay kala huleelaan iyadoo laba wiil ka dhaxeeyaan.
Fanaanada ree Colombia ayaa heesta ay soo saartay Pique ugu sheegaysa inay tahay qof aan isaga u qalmin oo ka weyn burji ahaan haatana uu la joogo qof ay isku darajo yihiin.
Sidoo kale Shakira ayaa heesteeda ku dartay erayo ay ugu sheegayso inay gaadhiga iyo saacada qaaliga ah ee Ferrari iyo Rolex uu ka doortay gaadhiga iyo saacada raqiiska ah ee Twingo iyo Casio.
Shirkadda saacadaha Casio oo halkaas kasoo gashay sheekada ayuu Pique xalay jawaab soo dhex mariyay isagoo sheegay inay shirkadaasi ku heshiiyeen inay maalgaliso mashruuca uu wato ee Kings League.
Shirkada iyo Pique ayaa shuraako noqday sababta heesta Shakira soo qaaday, sidoo kale shirkada ayaa qoraal ay soo dhigtay barteeda Twitter-ka ku karbaashtay Shakira.
Qoraalka ay shirkada Casio ugu jeesjeestay Shakira ayaa lagu yidhi “Shakira, laga yaabaa in aanaan Rolex ahayn balse macmiishayadu anaga daacad ayay noo yihiin” iyagoo ka wada in uusan Pique iyada daacad u noqon.
Naagtaas soo heestay baa 45sano jirta, Aduunow xaal qaado 🤣🤣🤣 Walaahi markii hore qof cover soo saaray baan uqabay 😁
marka horeba qabid may ahayn waxa kadhexeeyay lkn wxy ahayd aan wada noolaano sidii xayawaankii oo kale
marka horeba qabid may ahayne wxy kuwada noolaayeen sida xayawaanka