Jeremie Frimpong ayaa qarka u saaran inuu u wareego Manchester United bisha Janaayo marka uu furmo suuqa kala iibsiga.
Laacibka daafaca midig ee Bayer Leverkusen ayaa haatan ku maqan Koobka Adduunka isagoo matalaya xulka Netherlands laakiin weli kama ciyaarin tartanka.
Red Devils ayaa muddo ah xiiseyneysay xiddigaan laakiin waxaa la filayaa in wadahadalda la dardargeliyo ka dib Koobka Adduunka sida ay sheegtay Sky Germany.
21 jirkaan ayaa qandaraaskisia kooxda Bundesliga ka dhisan waxa uu dhacayaa xagaaag 2025ka.
Si kastaba, Leverkusen ayaa baadigoobeysa bedelkiisa iyagoo 6 milyan ginni ku doonaya daafaca West Ham Vladimir Coufal.
Frimpong ayaa qaab ciyaareed fiican ku jiray xilli ciyaareedkan isagoo dhaliyay shan gool islamarkaana caawiye ka ahaa seddex kulan kale ka dib 21 kulan uu u saftay kooxdiisa.
Tababaraha kooxda Shayaadiinta Cas Cas Erik ten Hag ayaa doonaya inuu xoojiyo booska daafaca midig ee kooxda.
Aaron Wan-Bissaka ayaa ku guuldareystay inuu soo jiiyo tababaraha cusub, wuxuuna qarka u saaran yahay in kooxda laga diro, iyadoo laga doorbiday Diogo Dalot oo qandaraaskiisa uu dhacayo dhamaadka xilli ciyaareedkan.
Frimpong ayaa sidoo kale ka ciyaari kara garabka midig ee weerarka sidaasi darteed wuxuu Man United u noqon karaa muhiim isagoo buuxin kara boos kasta oo garabka midig ah.
Ka hor inta uusan u wareegin Jarmalka sannadkii 2021kii, Frimpong wuxuu u ciyaarayay kooxda Celtic.
