Kaalmaha sarre ee horyaalka Premier League ayaa u muuqda kuwo qaabaysmaya marba marka xigta iyadoo haatan Arsenal hoggaanka siddeed dhibcood kaga qabatay Man City kaddib guul 2-0 ah oo ay kasoo gaadhay Tottenham Axadii.
Newcastle United iyo Man United ayaa min 38 dhibcood leh iyagoo booska labaad ee Manchester City hal dhibic ka dambeeya halka ay hoggaanka sagaal dhibcood u jiraan.
Haddaba, waxaanu halkan idiinku soo bandhigaynaa min lixda kulan ee ugu soo horreeya afarta kooxood ee u muuqda kuwa lasii ordaya kaalmaha Champions League loogu soo baxo.
Aan ku bilawnee hoggaamiyayaasha horyaalka ee Arsenal ayay kulamada ugu adag ee ugu jira lixdaas ciyaarood yihiin Man United oo ugu soo horreysa iyo Man City oo ay 15-ka bisha dambe ee February la kulmayaan.
Man City ayaa iyaduna lixdaas kulan ay ugu jiraan ciyaaraha adag ee Tottenham oo ay laba jeer la ciyaarayso iyo isla Arsenal oo ay 15-ka bisha dambe ku booqanayso Emirates Stadium.
Newcastle oo wacdarro lama filaan ah dhigaysa ayaa iyaduna lixdaas kulan laba kamid ah kula kulmaysa Liverpool (18 Febuary) iyo Man City (4 March)
Man United ayaa iyaduna isla toddobaadkan soo socda la ballansan Arsenal oo ah kooxda ugu weyn ee ugu jirta lixdaas kulan ee soo socda.
Liiska Min LIXDA Kulan Ee Ugu Soo Horreeya Arsenal, Man City, Newcastle iyo Man United
Arsenal
Man United, Everton, Brentford, Man City, Aston Villa iyo Leicester City
Man City
Tottenham, Wolves, Tottenham, Aston Villa, Arsenal iyo Nottingham Forest
Newcastle
Crystal Palace, West Ham, Bournemouth, Liverpool, Brighton iyo Man City
Man United
Crystal Palace, Arsenal, Crystal Palace, Leeds United, Leicester, Brentford
