Min saddex ciyaarood ayaa la dheelay horyaalka waddanka Ingiriiska ee Premier League tan iyo markii laga soo laabtay fasaxii Koobka Adduunka, waxaana tirada dhamaystiraya ciyaarta adag ee Manchester City iyo Chelsea ee caawa, taas oo ah midda ugu dambaysa ee lagu gelayo usbuuca laga nafisayo horyaalka ee loo jeedsanayo dhinaca FA Cup.
Kooxda Manchester United ayaa ah naadiga kaliya ee kooxaha waaweyn guuleystay saddexdii ciyaarood ee ka dambeeyey Koobkii Adduunka, waxaana la garaacay Liverpool, Tottenham iyo Chelsea, halka barbarro lagu celiyey Arsenal iyo Manchester City.
Erik ten Hag ayay kooxdiisu muujinaysaa awood heersare ah iyo inay si fiican iskula jaan-qaadday, laakiin Newcastle United ayaa taako u dhigtay kooxdii la celin la’aa ee Arsenal oo ay Emirates jilbaha isku dhigteen kulan aan wax gool ah la iska dhalin.
Manchester City waxay eersatay Everton oo dhibic ka boobtay ciyaartii usbuucan horraantiisa ee Goodison Park, halka Liverpool ay dardartay Brentford oo saddex gool iyo hal ku carraabisay, soona afjartay afar guulood oo xidhiidh ahaa oo Jurgen Klopp ay kooxdiisu ka keentay horyaalka Premier League.
Tottenham ayaa mar kaliya siibatay, waxaana iskugu xigay barbarro ay la gashay Brentford iyo guul-darro weyn oo ay usoo xambaarisay Brighton, halka Chelsea ay Nottingham Forest suul-daaro u dhigtay.
Haddaba, waxa aanu halkan idiinku soo gudbinaynaa isbarbar-dhigga min lixda ciyaarood ee ugu soo horreeya ee kooxaha waaweyn ee horyaalka Premier League ee ku dagaallamaya kaalmaha sare, adiga ayaananu akhriste kuu dhaafaynaa qiimaynta naadiga ay kulamada adag kusoo beegan yihiin. Falcelintaadana waxa aad nagula wadaagtaa halka hoose ee farriinta akhristaha.
Arsenal – 1aad (44 dhibcood)
- Tottenham Hotspur (Marti) – January 15
- Manchester United (Minan) – January 22
- Everton (Marti) – February 4
- Brentford (Minan) – February 11
- Manchester City (Minan) – February 15
- Aston Villa (Marti) – February 18
Manchester City – 2aad (36 dhibcood)
- Chelsea (Marti) – January 5
- Manchester United (Marti) – January 14
- Tottenham Hotspur (Minan) – January 19
- Wolves (Minan) – January 22
- Tottenham Hotspur (Marti) – February 5
- Aston Villa (Minan) – February 12
Newcastle United – 3aad (35 dhibcood)
- Fulham (Minan) – January 15
- Crystal Palace (Marti) – January 21
- West Ham United (Minan) – February 4
- Bournemouth (Marti) – February 11
- Liverpool (Minan) – February 18
- Brighton (Minan) – February 25
Manchester United – 4aad (35 dhibcood)
- Manchester City (Minan) – January 14
- Arsenal (Marti) – January 22
- Crystal Palace (Minan) – February 4
- Leeds United (Marti) – February 12
- Leicester City (Minan) – February 19
- Brentford (Minan) – February 26
Tottenham Hotspur – 5aad (33 dhibcood)
- Arsenal (Minan) – January 15
- Manchester City (Marti) – January 19
- Fulham (Marti) – January 23
- Manchester City (Minan) – February 5
- Leicester City (Marti) – February 11
- West Ham (Marti) – February 19
Liverpool – 6aad (28 dhibcood)
- Brighton & Hove Albion (Marti) – January 14
- Chelsea (Minan) – January 21
- Wolves (Marti) – February 4
- Everton (Minan) – February 13
- Newcastle United (Marti) – February 18
- Crystal Palace (Marti) – February 25
Chelsea – 10aad (25 dhibcood)
- Manchester City (Minan) – January 5
- Fulham (Marti) – January 12
- Crystal Palace (Minan) – January 15
- Liverpool (Marti) – January 21
- Fulham (Minan) – February 3
- West Ham United (Marti) – February 11
Waxa ogucdaran arsenal iyo man u iyo man city ARSENAL HOGANKA WEY KA DEGEYSAA WAXA AY ADEYSA TOP 3/4