Koobka Adduunku waxa uu u shidan yahay oo wacdaro ka dhigay illaa hadda labada ciyaartoy ee da’yarta ah ee Jude Bellingham iyo Gavi oo u kala ciyaara England iyo Spain. Labadooduba waxay dhaliyeen goolal, sidoo kalena waxa looga diiwaangeliyey taariikho cajiib ah.
Jude Bellingham oo ay da’diisu tahay 19 jir, waxa uu xulka qaranka England u dhaliyey goolka koowaad kulankii ay 6-2 ku xasuuqeen Iran Isniintii, isaga oo madax ku dhaliyey kubbad uu usoo dhiibay Luke Shaw.
Sidoo kale, Gavi oo ah wiilka sannadkan ugu wanaagsan da’yarta dunida ee dhowaanta la guddoonsiiyey abaal-marinta ‘Golden Boy 2022’, waxa uu wacdaro ka dhigay ciyaartii uu xalay xulka qaranka Spain 7-0 ku xasuuqay Costa Rica, iyadoo uu waliba dhaliyey gool qurux badan.
Labadan guulood ee ay gaadheen England iyo Spain waxa door weyn ku lahaa labadan da’yar oo rikoodho cajiib ah loo diiwaan-geliyey, sida hal-abuurka iyo taariikhda ay ku galeen goolasha ay dhaliyeen.
Jude Bellingham waxay shaqadiisu u badnayd khadka dhexe, gaar ahaan kubbad burburinta isaga oo dhamaystiray 92 kubbadood, waxaanu aad uga fiicnaa Gavi oo dhamaystiray 66 baas, taas oo ka dhigan in uu laacibka reer England 96 boqolkiiba saxay kubbadihii lugtiisa soo galay.
Waxa kale oo uu Jude Bellingham muujiyey hammuun uu u qabo inuu qabto shaqooyinka dhibka badan ee kubbad-dilista, waxaanu soo difaacay saddex kubbadood oo uu waliba ku qabtay taakal, halka Gavi aanu kulankiisii koowaad ee Koobka Adduunka samaynin wax taakal ah.
Bellingham waxa kale oo uu sameeyey laba goysmo oo wanaagsan oo uu kubadda kula dhaafay ciyaartoydii kasoo horjeedday, kaddibna ula dhaqaaqay dhinaca goolka Iran, taas beddelkeedana Gavi ma aanu samaynin wax goysmo ah ciyaartii ay 7-0 ku xasuuqeen Costa Rice.
Si kastaba, Jude Bellingham waxa uu noqday ciyaartoygii labaad ee ugu da’da yaraa ee xulka England gool uga dhaliya Koobka Adduunka, halka Gavi uu isaguna noqday ciyaartoygii saddexaad ee ugu da’da yaraa ee taariikhda Koobka Adduunka gool ka dhaliya.
Wixiiyood arkaysaad isdaba marinaysaa miyaad suuxsan tahay
Warkan waxan so qorayo mu cabsanyhy war kalay xawayan miya tahay adi mise indha allaha ayad Ka wasanthy maxay tahay waxa shegayso soma aragtid waxa mesha ku qoran laxyahay
Warkan waxan so qorayo mu cabsanyhy war kalay xawayan miya tahay adi mise indhaha ayad Ka wasanthy maxay tahay waxa shegayso soma aragtid waxa mesha ku qoran laxyahay