Kooxda tababare Erik Ten Hag hormoodka u yahay ee Man United ayaa marti ku ah gegida Melineux Stadium iyagoo booqanaya Wolves iyo tababaraheeda dhawaan-galka ah ee Julien Lopetegui.
Red Devils ayaa guul ay gaadhaan si kumeel-gaadh ah booska afraad ugu sii gali doona balse imtaxaan adag ayaa sugaya, Wolves ayaa kasoo adkaatay Everton toddobaadkii hore halka kulankani yahay midkii koowaad ee tababare Lopetegui ku ciyaarayo garoonkiisa kulamada horyaalka.
Wararka Labada Kooxood Ee Kulanka Kahor
Lopetegui ayay ka maqnaan doonaan xiddigaha kala ah Sasa Kalajdzic, Chaquinho iyo Pedro Neto balse wuxuu dib u helayaa Boubacar Toure iyo Jonny Castro.
Sidoo kale Goncalo Guedes ayay u badantahay inuu kusoo bilawdo bedelka Daniel Podence oo ku dhaawacmay kulankii Everton.
Dhinaca Man United waxa usoo laabtay Lisandro Martinez oo ku maqnaa dabaaldega Koobkii aduunka, Victor Lindelof iyo Scott McTominay ayuu taam ahaanshahooda shaki ku jiraa halka Jadon Sancho iyo Diogo Dalot ay u badantahay inay maqnaadaan.
Wan-Bissaka ayaa daafaca midig kusoo bilaaban kara walow uu tababare Ten Hag marar badan halkaas hore uga ciyaarsiiyay Malacia oo daafac bidix ah.
Marcus Rashford, Anthony Martial iyo Antony Santos ayaa markale weerarka kusoo wada bilaaban kara halka Eriksen iyo Fernandes khadka dhexe kala soo muuqanayaan Casemiro.
Shaxaha Macquulka Ah Ee Labada Kooxood
Wolves (4-3-3): Sa; Semedo, Collins, Kilman, Ait-Nouri; Moutinho, Neves, Nunes; Hwang, Costa, Guedes
Man United (4-2-3-1): de Gea; Wan-Bissaka, Varane, Martinez, Shaw; Casemiro, Eriksen; Antony, Fernandes, Rashford; Martial
Xogta Kulanka
Tartanka: Premier League
Garoonka: Molineux Stadium
Wakhtiga: 3:30 galabnimo xilliga geeska Africa
Garsoore: Robert Jones
