Kooxaha Barcelona iyo Real Betis ayaa caawa kulan ah afar dhammaadka Spanish Supercopa ku ballansan magaalada Riyadh.
Kooxda caawa guusha heshay ayaa iska xaadirin doonta Finalka tartanka oo ay ugu tagayso Real Madrid oo xalay rigoorayaal kaga adkaatay Valencia.
Wararka Labada Kooxood Ee Kulanka Kahor
Tababare Manuel Pellegrini ayaa dhaawacyo cusub ku qaba kooxdiisa Betis sida Youssouf Sabaly oo ka cabanaya xanuun canqawga ah halka Paul Akouokou uu dhaawac muruqa ah ku seegayo kulankan.
Daafaca bidix ee Alex Moreno ayaa kooxda ka tagay oo xalay si rasmi ah ugu biiray Aston Villa.
Dhinaca Barcelona tababare Xavi ayaan wax dhibaatooyin ah oo waaweyn qabin, Robert Lewandowski iyo Ferran Torres oo kulamada horyaalka ka ganaaxan ayaa labaduba diyaar ah ciyaartan maadaama aysan wax saamayn ah isku lahayn labada tartan.
Sidoo kale Jordi Alba oo ganaax ku maqnaa kulankii ugu dambeeyay ayaa Barca usoo laabanaya iyadoo Jules Kounde markale daafaca midig dheeli doono.
Xavi ayay macquul tahay inuu markale hab ciyaareedka afar khad dhexe ku ciyaaro isagoo Raphinha iska fadhiisinaya isla markaana Lewandowski iyo Dembele kaliya weerar ka dhigaya.
Shaxaha Macquulka Ah Ee Labada Kooxood
Real Betis (4-2-3-1): Silva; Ruibal, Ruiz, Gonzalez, Miranda; Rodriguez, Carvalho; Henrique, Fekir, Rodri; Iglesias
Barcelona (4-3-3): ter Stegen; Kounde, Araujo, Christensen, Alba; de Jong, Busquets, Pedri; Gavi, Lewandowski, Dembele
Xogaha Kulanka
Tartanka: Spanish Supercopa
Garoonka: King Fahad Stadium
Wakhtiga: 10:00 habeenimo xilliga geeska Africa
Garsoore: Carlos Del Cerro
