Xulka Japan oo tartankan koobka aduunka durba lama filaano kasoo sameeyay ayaa maanta markale kulan wareega 16-ka ah la dheeli doona dhigooda Croatia.
Japan ayaa booska koowaad kaga soo gudbay Group ay kula jireen Germany, Spain iyo Costa Rica halka Croatia labaad kaga soo baxeen Group ay la wadaageen Belgium, Morocco iyo Canada.
Wararka Labada Xul Ee Kulanka Kahor
Dhinaca Japan waxa kulankan ganaax kaadhadhka jaalaha ahi ku sababeen ku maqnaan doona Ko Itakura, sida kale tababare Hajime Moriyasu ayaa haysta saf buuxa.
Japan ayaa markale si lamid ah sidii guulihii Germany iyo Spain dooran kara inay hab difaac kusoo galaan oo gadaal ka bedelaan ciyaarta.
Dhinaceeda Croatia ma jiraan wax dhaawacyo ahi balse inaysan laba kamida saddexdii kulan ee Group-yada goolal soo dhalin ayaa werwer ku ah.
Tababare Zlatko Dalic ayaa goolal ka sugaya saddexleydiisa weerar ee Ivan Perisic, Andrej Kramaric iyo Marko Livaja.
Shaxaha Macquulka Ah Ee Labada Xul
Japan (3-4-3): Gonda; Tomiyasu, Taniguchi, Yoshida; Ito, Morita, Tanaka, Nagatomo; Doan, Maeda, Kamada
Croatia (4-3-3): Livakovic; Juranovic, Lovren, Gvardiol, Sosa; Kovacic, Brozovic, Modric; Kramaric, Livaja, Perisic
Xogta Kulanka
Tartanka: koobka aduunka 2022
Wakhtiga: 6:00 fiidnimo xilliga geeska Africa
Garoonka: Al Janoub Stadium
Garsoore: Ismail Elfath (USA)
