Portugal v South Korea
Xulka Portugal oo horeba u xaqiiqsaday inuu wareega 16-ka u gudbay ayaa la ballansan dhigiisa South Korea oo hal dhibic leh rajadiisuna fogtahay, South Korea ayaa doonaysa guul ay fursad ugu hesho wareega xiga halka Portugal rabaan inay rekoodh 100% ah Group-ka kaga baxaan oo booska koowaadna xaqiiqsadaan.
Wararka Labada Xul Ee Kulanka Kahor
Weeraryahanka Wolves ee Hwang Hee Chan ayaan wali tartankan taam u noqon oo aan ku metelin South Korea, lama hubo xataa haddii uu kulankan diyaar u noqon doono.
Dhinaca Portugal waxa la filayaa in Cristiano Ronaldo, Danilo Pereira iyo Nuno Mendes ay dhaawacyo kaga maqnaan doonaan ciyaartan.
Diogo Dalot ayaa lagu wadaa inuu fursad helo oo daafaca midig kusoo bilawdo ciyaartan iyadoo Joao Cancelo ama nasanayo ama daafaca bidix u wareegayo.
Palhinha ayaa fursad ka heli kara khadka dhexe, sidoo kale Rafael Leao ayaa kasoo hormari kara Joao Felix halka Goncalo Ramos kusoo bilaaban karo No.9.
Shaxaha Macquulka Ah Ee Labada Xul
South Korea (4-2-3-1): Kim Seung-gyu; Kim Moon-hwan, Kim Min-jae, Kim Young-gwon, Kim Jin-su; Jung Woo-young, Hwang In-beom; Kwon Chang-hoon, Jeong Woo-yeong, Son Heung-min; Cho Gue-sung
Portugal (4-3-3): Costa; Dalot, Pepe, Dias, Cancelo; Bernardo Silva, Neves, Palhinha; Fernandes, Ramos, Leao
Xogta Kulanka
Tartanka: Koobka aduunka 2022
Wakhtiga: 6:00 fiidnimo xilliga geeska Africa
Garoonka: Education City Stadium
Garsoore: Facundo Tello (Argentina)
Ghana v Uruguay
Xulka Ghana ayaa caawa koobka aduunka la ballansan dhigiisa Uruguay oo ahaa dalkii qaabka muranka dhaliyay uga reebay koobkii aduunka ee 2010 iyadoo xiddigii goolka cad gacanta kaga badbaadiyay ee Luis Suarez waliba joogo.
Ghana ayaa leh saddex dhibcood uu xataa barbaro fursad fiican oo ay ku baxdo ku haysata halka Uruguay leedahay kaliya hal dhibic oo guul iyo goolal u baahantahay.
Wararka Labada Xul Ee Kulanka Kahor
Dhinaca xulka Ghana tababare Otto Addo ayaan ka cabanayn wax dhaawacyo cusub ah balse waxa uu ka warsugayaa Gideon Mensah oo hore u dhaawacmay.
Dhinaca Uruguay waxa markale maqnaan kara daafaca dhexe ee Ronald Araujo oo mudo dheer dhaawac qabay balse xulkaasi koobka aduunka u qaatay, Barcelona ayaan ku faraxsanayn qaabka dalkiisu garoomada ugu soo dedejinayo Araujo.
Tababare Diego Alonso ayaa markale dooran kara inuu Edinson Cavanikasoo hormariyo Luis Suarez halka sidoo kale weeraryahan Gomez uu kulankan kusoo bilaaban karo.
Shaxaha Macquulka Ah Ee Labada Xul
Ghana (4-2-3-1): Ati-Zigi; Lamptey, Amartey, Salisu, Mensah; Partey, Samed; Kudus, Andre Ayew, Jordan Ayew; Williams
Uruguay (3-5-2): Rochet; Gimenez, Godin, Coates; Varela, Valverde, Bentancur, Vecino, Olivera; Gomez, Nunez
Xogta Kulanka
Tartanka: Koobka aduunka 2022
Wakhtiga: 6:00 fiidnimo xilliga geeska Africa
Garoonka: Al Janoub Stadium
Garsoore: Daniel Siebert (Germany)
