England v Wales
England oo afar dhibcood leh ayaa kahor tagaya xulka ay xifaaltamaan ee Wales oo hal dhibic leh, xulka saddexda libaax oo hoggaaminaya Group B ayaa u baahan guul uu booska koowaad ku xaqiiqsado halka Wales rajadoodu aad u yartahay oo ay ugu hooseeyaan Group-ka.
Wararka Labada Xul Ee Kulanka Kahor
Wales waxa ganaax kaga maqnaan doona goolhaye Wayne Hennessey oo casaan qaatay kulankii hore ee Iran waxaana booskiisa buuxin doona Danny Ward.
Dhinaciisa xulka England ayaa la filayaa inuusan shaxdiisii hore wax badan ka bedelin balse waxa jirta hadal hayn ah inuu Jordan Henderson markan kasoo hormari doono Jude Bellingham.
Sidoo kale garabka midig ayuu kusoo bilaaban karaa Phil Foden oo booska kala baxaya Bukayo Saka haddii uu Southgate doorto inuu markan xiddiga Man City kusoo bilaabo.
Shaxaha Macquulka Ah e Labada Xul
Wales (3-4-3): Ward; Mepham, Rodon, Davies; Roberts, Ramsey, Ampadu, Williams; James, Moore, Bale
England (4-2-3-1): Pickford; Trippier, Stones, Maguire, Shaw; Henderson, Bellingham; Sterling, Mount, Foden; Kane
Xogta Kulanka
Tartanka: Koobka aduunka 2022
Wakhtiga: 10:00 habeenimo xilliga geeska Africa
Garsoore: Slavko Vincic (Slovenia)
Garoonka: Ahmed Bin Ali Stadium
USA v Iran
Laba dal oo si weyn iskugu haya siyaasada caalamka ayaa garoonka dhexdiisa ku kulmaya iyadoo aad loo xiisaynayo kulankan, Maraykanka ayaa kaliya guul u baahan oo laba dhibcood leh halka Iran xataa barbardhac ay kusoo bixi karto iyadoo natiijada Wales ka hesho England ka warsugaysa.
Wararka Labada Xul Ee Kulanka Kahor
Tababare Carlos Queiroz ayaa ka werwersan xaalada weeraryahankiisa Sardar Azmoun oo wax ku noqday guushii Wales halka uu ganaax ku waayayo Alireza Jahanbakhsh kaddib markii uu kaadhkiisii huruuda ahaa ee labaad qaatay ciyaartii hore.
Goolhaye Alireza Beiranvand oo dhaawac sanka ah kaga maqnaa kulankii Wales ayaa markan diyaar ah balse lama hubo haddii uu tababare Queiroz bedeli doono Hossein Hosseini oo shabaq nadiif ah ilaashaday ciyaartaas.
Dhinaca Maraykanka tababare Gregg Berhalter ayaa wajahaya dhibaato weyn oo dhinaca weerarka ah isagoo weeraryahano kala duwan soo xushay kulamadii ay koobka ka dheeleen ilaa hadda, Haji Wright ayaa markale kusoo bilaaban kara.
Shaxaha Macquulka Ah Ee Labada Xul
Iran (4-4-2): H Hosseini; Rezaeian, M Hosseini, Pouraliganji, Mohammadi; Ali Gholizadeh, Nourollahi, Ezatolahi, Hajsafi; Taremi, Azmoun
USA (4-3-3): Turner; Dest, Zimmerman, Ream, Robinson; Adams, Musah, McKennie; Pulisic, Weah, Wright
Xogta Kulanka
Tartanka: Koobka aduunka 2022
Wakhtiga: 10:00 habeenimo xilliga geeska Africa
Garsoore: Antonio Mateu (Spain)
Garoonka: Al Thumama Stadium
