Xulka Brazil ayaa caawa kulan wareega 16-ka koobka aduunka ah kahor tagaya dhigiisa South Korea xilli ay doonayaan inay kasoo kabtaan guuldarradii Cameroon kasoo gaadhay kulankii ugu dambeeyay.
Selecao ayaa booska koowaad kaga soo baxay Group ay la wadaageen Switzerland, Serbia iyo Cameroon halka South Korea booska labaad kaga soo gudubtay Group ay kula jirtay Portugal, Uruguay iyo Ghana.
Wararka Labada Xul Ee Kulanka Kahor
Tababare Tite ayaa Brazil ku haysta saf buuxa marka laga reebo weeraryahan Gabriel Jesus iyo daafaca bidix ee Alex Telles oo dhaawacyo tartanka inta ka hadhay seejinayaa jilibka ka gaadheen.
Neymar oo dhaawac kasoo kabtay ayaa la filayaa inuu shaxda toos ugu soo noqdo isagoo No.10 dheelaya halka saddexda kale ee weeraryahan noqonayaan Vinicius, Raphinha iyo Richarlison.
Paqueta ayaa markale doorka No.8 dheeli kara isagoo kasoo hormaraya Fred iyo Bruno Guimaraes halka Danilo iyo Sandro oo qudhoodu dhaawacyo kasoo kabtay garbaha daafaca kusoo bilaabanayaan.
Dhinaca South Korea ma jiraan wax dhaawacyo ah, tababare Bento ayaa markale kusoo shirtagi kara shax ciyaareedka 4-2-3-1.
Shaxaha Macquulka Ah Ee Labada Xul
Brazil (4-3-3): Alisson; Danilo, Marquinhos, Silva, Sandro; Fred, Casemiro, Paqueta; Raphinha, Neymar, Vinicius
South Korea (4-2-3-1): Seung-Gyu; Moon-Hwan, Min-Jae, Young-Gwon, Jin-Su; Woo-Young, In-Beom; Hee-Chan, Woo-Yeong, Son; Cho
Xogta Kulanka
Tartanka: Koobka aduunka 2022
Wakhtiga: 10:00 habeenimo xilliga geeska Africa
Garoonka: Stadium 974
Garsoore: Clement Turpin (France)
