Cameroon v Brazil
Xulka Cameroon oo doonaya inuu helo guul uu ugu soo baxo koobka aduunka wareegiisa 16-ka haatana hal dhibic haysta oo rajadiisu fogtahay ayaa wajahaya Brazil oo hore u gudubtay balse xaqiiqsashada booska koowaad ee Group-ka u socota.
Wararka Labada Xul Ee Kulanka Kahor
Tababare Rigobert Song wuxuu shaxdiisa ku waayayaa markale kaliya goolhaye Andre Onana oo dhawaan xulka laga caydhiyay, intaas kaddib wuxuu haystaa saf buuxa.
Dhinaca Brazil tababare Tite ayaa kulankan dhaawacyo ku waayaya daafacyada garbaha ee Danilo iyo Alex Sandro si lamid ah Neymar.
Alex Telles iyo Dani Alves ayaa garbaha daafaca dheeli doona, Ederson ayaa goolka kusoo bilaabanaya halka labada daafac dhexe yihiin Bremer iyo Militao.
Fabinho iyo Bruno Guimaraes ayaa labada khad dhexe kusoo wada bilaabanaya iyadoo Rodrygo No.10 dheelayo halka saddexleyda weerar noqonayaan Antony iyo Martinelli oo garbaha ah iyo Gabriel Jesus oo weerarka dhexe ah.
Shaxaha Macquulka Ah Ee Labada Xul
Cameroon (4-3-3): Epassy; Fai, Castelletto, Nkoulou, Tolo; Hongla, Anguissa, Kunde; Aboubakar, Choupo-Moting, Toko Ekambi
Brazil (4-2-3-1): Ederson; Alves, Militao, Bremer, Alex Telles; Fabinho, Bruno Guimaraes; Antony, Rodrygo, Martinelli; Gabriel Jesus
Xogaha Kulanka
Tartanka: koobka aduunka 2022
Wakhtiga: 10:00 habeenimo xilliga geeska Africa
Garoonka: Lusail Stadium
Garsoore: Esmail Elfath (USA)
Serbia v Switerland
Serbia oo hal dhibic leh isla markaana rajadeeda koobka aduunku hoosayso ayaa kahor tagaysa dhigeeda Switerland oo saddex dhibcood leh isla markaana xataa barbardhac kusoo bixi kara.
Wararka Labada Xul Ee Kulanka Kahor
Tababare Dragan Stojkovic ayaa la filayaa inuu markale Dusan Vlahovic keydka dhigo isagoo Mitrovic weerarka kusoo bilaabaya, Dusan Tadic iyo Sergej Milinkovic Savic ayaa weerarka ka caawin doona Mitrovic.
Dhinaca Switerland waxay rajaynayaan inay kulankan dib u helaan weeraryahanka ruug caddaaga ah ee Xherdan Shaqiri oo seegay kulankii Brazil.
Balse weeraryahan Noah Okafor oo sidoo kale seegay ciyaartii Brazil ayuu shaki ku jiraa fursadiisa, bedelka kaliya ee tababare Yakin ku samayn karo Switzerland ayaa ah inuu Shaqiri ku bedeli Fabian Rieder.
Shaxaha Macquulka Ah Ee Labada Xul
Switerland (3-4-2-1): Vanja Milinkovic-Savic; Milenkovic, Velijkovic, Pavlovic; Zivkovic, Maksimovic, Lukic, Kostic; Sergej Milenkovic-Savic, Mitrovic, Tadic
Switzerland (4-2-3-1): Sommer; Widmer, Akanji, Elvedi, Rodriguez; Freuler, Xhaka; Shaqiri, Sow, Vargas; Embolo
Xogta Kulanka
Tarranka: Koobka aduunka 2022
Wakhtiga: 10:00 habeenimo xilliga geeska Africa
Garoonka: Stadium 974
Garsoore: Fernando Rapallini (Argentina)
