Xulka Belgium ayaa iska xaadirin kara wareega 16-ka koobka aduunka haddii ay guul gaadhaan kulanka ay maanta la ballansan yihiin dhigooda Morocco.
Dhinacooda Morocco ayaa u baahan guul kaddib markii ay barbardhac goolal la’aan ah kulankoodii ugu horreeyay lasoo galeen Croatia.
Wararka Labada Xul Ee Kulanka Kahor
Belgium waxa markale ka maqnaan doona weeraryahan Romelu Lukaku oo uu tababare Martinez sheegay inuu si fiican usoo kabanayo balse diyaar u ahayn kulankan.
Batshuayi oo kulankii hore goolka guusha ka dhaliyay Canada ayaa markale hoggaamin doona weerarka halka Dendoncker markale saddexda daafac dhexe kala soo muuqan doono Toby Alderweireld iyo Jan Vertonghen.
Castagne iyo Carrasco ayaa markale garbaha daafaca kaga soo hormari kara Thomas Meunier iyadoo Youri Tielemans iyo Witsel khadka dhexe dheelayaan.
Dhinaca Morroco waxa kulankii Croatia ka dhaawacmay Noussair Mazraoui oo shaki weyni ku jiraa haddii uu ciyaartan diyaar u noqon doono.
Yahya Attiyad-Allah ayaa kusoo bilaaban kara bedelka Mazrazoui, Roman Saiss iyo Nayef Aguerd ayaa daafaca dhexe ku midoobaya iyadoo Achraf Hakimi daafaca midig dheelayo.
Boufal iyo Ziyech ayaa garbaha weerarka kasoo muuqan kara markale iyagoo weerarka ka caawinaya En-Nesyri halka saddexleyda khadka dhexe noqonayaan Amrabat, Ounahi iyo Amallah.
Shaxaha Macquulka Ah Ee Labada Dal
Belgium (3-4-2-1): Courtois; Dendoncker, Alderweireld, Vertonghen; Castagne, Tielemans, Witsel, Carrasco; Hazard, De Bruyne; Batshuayi
Morocco (4-2-3-1): Bono; Hakimi, Aguerd, Saiss, Attiyat-Allah; Amrabat, Ounahi; Amallah, Boufal, Ziyech; En-Nesyri
Xogta Kulanka
Tartanka: Koobka aduunka 2022
Garoonka: Al Thumama Stadium
Wakhtiga: 4:00 galabnimo xilliga geeska Africa
Garsoore: Cesar Ramos (Mexico)
