Real Madrid oo hoggaanka La Liga saddex dhibcood lagaga hayo ayaa booqanaysa gegida San Mames oo ay ugu tagayso kooxda dhibta badan ee Athletic Bilbao.
Bilbao ayuu hormood u yahay tababarihii hore ee Barcelona ee Ernesto Valverde, kulankan ayay Madrid doonaysaa inay sii dhisto kalsoonida guushii ay ciyaartii ugu dambaysay kasoo gaadheen Villarreal ee Copa Del Rey.
Wararka Labada Kooxood
Tababare Valverde ayay ka maqnaan doonaan Yeray Alvarez oo ganaax ku seegaya ciyaartan iyo daafaca dhexe ee Inigo Martinez oo ay macquul tahay inuu taam ahaansho la’aan ku maqnaado ciyaartan.
Real Madrid waxa liiska dhaawacyada kaga biiray Eden Hazard iyadoo ay hore uga maqnaayeen Dani Carvajal, David Alaba , Lucas Vazquez iyo Aurelien Tchouameni.
Nacho ayaa daafaca midig kusoo bilaaban doona isagoo ka garab ciyaaraya Militao, Rudiger iyo Ferland Mendy.
Camavinga ayaa markale booska burburiyaha khadka dhexe kusoo bilaaban kara haddii uusan Carlo Ancelotti dooran inuu Valverde dhexda kusoo celiyo oo Rodrygo weerarka kula bilaabo Benzema iyo Vinicius.
Shaxaha Macquulka Ah
Athletic Bilbao (4-2-3-1): Simon; de Marcos, Paredes, Vivian, Yuri; Dani Garcia, Vesga; Inaki Williams, Sancet, Nico Williams; Guruzeta
Real Madrid (4-3-3): Courtois; Nacho, Militao, Rudiger, Mendy; Modric, Camavinga, Kroos; Valverde, Benzema, Vinicius Jr.
Xogaha Kulanka
Tartanka: La Liga
Garsoore: Jose Sanchez
Garoonka: San Mames
Wakhtiga: 11:00 habeenimo xilliga geeska Africa
