Liverpool ayaa caawa booqanaysa dhigeeda Aston Villa kulankeeda xiga ee Premier League iyadoo rajaynaysa inay kasoo hesho dhibco ay afarta kaalmood ee sarre ee Premier League ugu dhawaato.
Reds ayaa qaab xun ku bilawday xilli ciyaareedka iyagoo haatan booska lixaad kaga jira kala sarreynta, si lamid ah Villa ayaa qaab aad u xun ku bilawday horyaalka balse fiicnaa tan iyo markii ay magacaabeen macalin Unai Emery.
Wararka Labada Kooxood Ee Kulanka Kahor
Aston Villa ayuu ka maqnaan doonaa daafaceeda dhexe ee Diogo Carlos oo wali dhaawacan si lamid ah Philippe Coutinho ayaa isaguna seegaya kahor taga kooxdiisii hore.
Goolhayaha Argentina ee Emilaino Martinez oo dhawaan Koobka aduunka kusoo guuleystay ayaa lagu wadaa inuu isaguna seego ciyaartan iyadoo Robin Olsen goolka kusoo bilaabanayo.
Dhinaca Liverpool Alisson Becker ayaa goolka kusoo bilaaban doona iyadoo Trent Alexander Arnod daafaca midig dheelayo, Virgil Van Dijk ayaa isaguna daafaca dhexe kala soo muuqan kara Joel Matip.
Fabinho ayaa khadka dhexe ee Reds kula soo bilaaban kara kabtan Jordan Henderson iyo Thiago halka da’yarka Carvalho uu weerarka markale la dheeli karo Darwin Nunez iyo Mohamed Salah.
Shaxaha Macquulka Ah Ee Labada Kooxood
Aston Villa (4-2-2-2): Olsen; Cash, Konsa, Mings, Digne; Luiz, Kamara; McGinn, Ramsey; Ings, Buendia
Liverpool (4-3-3): Alisson; Alexander-Arnold, Matip, Van Dijk, Robertson; Henderson, Fabinho, Thiago; Salah, Nunez, Carvalho
Xogta Kulanka
Tartanka: Premier League
Garoonka: Villa Park
Wakhtiga: 8:30 galabnimo xilliga geeska Africa
Garsoore: Paul Tierney
