Xulka Argentina ayaa rajaynaya inuu guul ku furto koobka aduunka oo uu maanta bilaabanayo kulan ay la ballansan yihiin xulka qaranka Saudi Arabia.
Argentiana oo kusoo guuleysatay Copa America 2021 ayaa rajo weyn ka qabta inay sidoo kale hanan doonto tartankan oo ay kamid yihiin xulalka ugu cad cad ee badi loo saadaalinayo.
Wararka Labada Xul Ee Kulanka Kahor
Lionel Messi oo dhawr maalmood tababar gaar ah qaadanayay ayaa dhawaan tababarka buuxa ee Argentina kasoo muuqday isagoo taam buuxa u ah kulankan.
Sidoo kale tababare Lionel Scaloni ayaa werwer ka qaba xaaladaha Lisandro Martinez iyo Palacios balse si lamid ah Messi iyaguna diyaar ayay u noqon karaan kulanka.
Christian Romero iyo Nicolas Otamendi oo mudo dheer ahaa lamaanaha daafaca dhexe ee Argentina ayaa la filayaa inay Lisandro kasoo hormaraan iyadoo garbaha daafaca Molina iyo Acuna kasoo muuqanayaan.
Parades, Rodrigo De Paul iyo Mac Allister ayaa saddexda khad dhexe ee Scaloni soo xulan karo ah halka Messi, Di Maria iyo Lautaro Martinez weerarka ku midoobayaan.
Dhinaca Saudi Arabia, tababare Herve Renard ayaa werwer ka qaba Riyadh Sharahili oo dhaawac muruqa ahi shaki galinayo fursadiisa koobka si lamid ah Hassan Tambakti walow aan la filayn in marka horeba midkoodna boos asaasi ah helo.
Shaxaha Macquulka Ah Ee Labada Xul
Argentina (4-3-3): Emiliano Martinez; Molina, Romero, Otamendi, Acuna; De Paul, Paredes, Mac Allister; Messi, Lautaro Martinez, Di Maria
Saudi Arabia (4-2-3-1): Al-Owais; Al-Breik, Al-Amri, Al-Bulaihi, Al-Shahrani; Kanno, Al-Malki; Al-Shehri, Al-Faraj, Salem Al-Dawsari; Al-Buraikan
Xogta Kulanka
Tartanka: Koobka Aduunka 2022
Garoonka: Lusail Stadium
Wakhtiga: 1:00 duhurnimo xilliga geeska Africa
Garsoore: Slavko Vincic (Slovenia)
