Xulalka Croatia iyo Argentina ayaa caawa ku ballansan gegida Lusail Stadium kulanka koowaad ee afar dhammaadka koobka aduunka.
Croatia ayaa si lama filaan ah wareegii siddeeda rigoorayaal ugaga soo adkaatay Brazil halka Argentina dhinaceeda isla rigoorayaal kaga soo badisay Netherlands.
Labada xul ayaa wareegii Group-yada ee koobkii aduunka ee 2018 hore u kulmay iyadoo Croatia guul 3-0 ah wakhtigaas gaadhay.
Wararka Labada Xul Ee Kulanka Kahor
Argentina ma qabto wax dhaawacyo ah kahor kulankan balse tababare Lionel Scaloni ayaa ganaaxyo ku waayaya labadiisa daafac garab ee Marcos Acuna iyo Gonzalo Montiel.
Nahuel Molina ayaa daafaca midig markale kusoo bilaaban doona halka Tagliafico uu daafaca bidix ka bedeli doono xiddiga ganaaxan ee Acuna.
Alexis Mac Allister ayaa markale Leandro Paredes khadka dhexe kaga soo hormari kara halka markan Angel Di Maria oo dhaawac kasoo kabtay weerarka kala dheeli karo Julian Alvarez iyo Lionel Messi.
Dhinaca Croatia tababare Zlatko Dalic ayaan isaguna dhaawacyo ka cabanayn balse weeraryahan Petkovic oo goolka barbardhaca ka dhaliyay Brazil kulankii hore ayaa markan kasoo hormari kara Kramaric.
Shaxaha Macquulka Ah Ee Labada Xul
Argentina (4-3-3): Martinez; Molina, Romero, Otamendi, Tagliafico; De Paul, Fernandez, Mac Allister; Di Maria, Messi, Alvarez
Croatia (4-3-3): Livakovic; Juranovic, Gvardiol, Lovren, Sosa; Kovacic, Brozovic, Modric; Pasalic, Petkovic, Perisic
Xogta Kulanka
Tartanka: Koobka aduunka 2022
Garoonka: Lusail Stadium
Wakhtiga: 10:00 habeenimo xilliga geeska Africa
Garsoore: Daniele Orsato (Italy)
