Barcelona ayaa u muuqata mid durba heshay saxeexeedii koowaad ee suuqa xagaaga, sida ay warbaahinta Spain sheegayso wuxuu u noqon doonaa kabtanka Man City ee Ilkay Gundogan.
Walow uu wali muhiim u yahay tababare Pep Guardiola, Gundogan ayaa la filayaa inuu xagaaga ka tago Man City iyadoo heshiiskiisu 30-ka June ku eeg yahay.
Gundogan oo heshiis ka yar 30 Milyan oo euro ugu soo wareegay Man City ayaa 32 sano jir ah walina soo bandhigaya qaab ciyaareedyo xoogan.
Haatan muuqbaahiyaha El Chiringuito gaar ahaan saxafiga ka hawl-gala ee Jose Alvarez ayaa sheegaya in Barcelona heshiis hordhac ah la gaadhay Ilkay oo uu xagaaga xor ku imanayo Camp Nou.
Gundogan ayaa doonaya loolan iyo horyaal cusub, mashruuca Xavi Hernandez ee Barcelona ayaa ah mid soo jiitay, Gundo ayaa ah mid ciyaara hab ciyaareed ku haboon falsafada Barcelona.
Isagoo kusoo guuleystay afar horyaal Premier League iyo koobab kale oo badan oo maxali ah ayuu Gundogan doonayaa inuu soo afmeero wakhti guul ah oo uu Etihad Stadium kusoo qaatay.
