Andy Cole ayaa cod dheer ku yiri: “Joojiya inaad xushmad dareysaan magaceyga” ka dib markii lala barbardhigay Darwin Nunez.
Halyeeyga Manchester United ayaa horyaalka Premier League ka dhaliyay 187 gool.
Dhanka kale Nunez ayaa weli la qabsanaya nolosha Liverpool tan iyo markii uu 85 milyan ginni uga soo wareegay Benfica.
Taageere ayaa Twitter soo dhigay qoraal uu xiddiga reer Uruguay la barbardhigayo Andy Cole, laakiin 51 jirkaan ayaa ka carooday in lala barbardhigo Nunez.
Wuxuu Twitter soo dhigay: “Cole…Nunez.. ma huba cida macno daradaan bilowday!!
“Shan horyaal oo Premier League, labo FA Cup, 1 League Cup, 1 Champions League, kabta dahabka, da’ yarka ugu fiicnaa sannadkan, 187 gool oo Premier League, kaliya hal rigoore. Nolosha waa waxa aad adiga sameysato.”
Taageeraha isbarbardhiga sameeyay ayaa u sheegay Cole inuusan ixtiraamdarro ka wadin balse uu isku dayayay inuu taageero u muujiyo Nunez.
Laakiin Cole ayaa diiday marmarsiiyada taageeraha isagoo u qoray:
“Raali ahow Dave, laakiin si qalad ah u soo qor ama si saxan…. dadku waa inay joojiyaan inay xushmad dareeyaan magaceyga, sababtoo ah ma ciyaarayo hadda, waxaan ahay nin noloshiisa iska wata, dadkuna waxay moodaan inay i xushmad dareyn karaan.”
“Eeg lambaradeyda ka dibna la barbardhig cid kasta…”
187 gool ee uu Cole ka dhaliyay Premier League waxay ka dhigeysaa shaqsiga afaraad ee ugu goolasha badan taariikhda horyaalka, wuxuu ka danbeeyaa kaliya Alan Shearer, Wayne Rooney iyoHarry Kane.
Wuxuu ku guuleystay shan Premier League uu la qaaday Manchester United, wuxuuna qeyb libaax leh ka qaatay hanashadii seddexda koob ee sannadkii 1999kii.
