“Haddii Uu Messi Ku Guuleysto Koobka Aduunka….” – Ronaldo Nazario Oo Dareenkiisa Sii Cabiray

Halyeeyga kubadda cagta Brazil ee Ronaldo Nazario ayaa ka hadlay dareenkiisa iyo sida uu u arko haddiiba Lionel Messi iyo Argentina ku guuleystaan Koobka aduunka sanadkan Qatar 2022.

Dalkiisa ayaa qaab lama filaan ah wareegii siddeed dhammaadka ugaga hadhay tartanka kaddib rigoorayaal ay isla gaadheen Croatia.

Ronaldo oo kahor kulamada afar dhammaadka tartankan hadlay ayaa sheegay inaysan Argentina lahayn tayo iyo hibo badan balse ay leeyihiin dhiiranaan badan.

R9 oo Mundo Deportivo la hadlaya ayaa sheegay inuu ku farxi doono haddii Messi ku guuleysto Koob aduun balse uusan Brazilian ahaan u farxi doonin.

“Waxaan noqon doonaa mid faraxsan haddii uu Messi ku guuleysto Koobka aduunka, uma farxi doono ka Brazilian ahaan” ayuu hadalkiisa ku bilaabay Ronaldo.

Sidoo Kale Akhri

Manchester City: Mishiinkii Lacagta, Ciyaartoyda Dembiga Geliyey Ee Ay La Saxeexatay Iyo Xiddigaha Lagu Amrayo Inay Iska Tagaan

February 6, 2023

SAADAAL: Supercomputer Oo Saadaal Cusub Ka Sameeyey Premier League Kaddib Guul-darradii Arsenal Iyo Ganaaxa Manchester City

February 6, 2023

“Dhammaanteen waynu u qalanaa, kubadda cagtu waa ciyaaris iyo guuleysasho, qofna waxba kuma siinayo. Dabcan isagu (Messi) fursad ayuu haystaa, Argentina kubad cajiib ah ma ciyaarto balse waxay leeyihiin rabitaan aan caadi ahayn”.

“Dhammaantood in badan ayay wada ordaan, dhammaantood kubadda ayay ku dagaalamaan kaddibna waxay haystaan Messi kaas oo marka uu goobta ku dhaqaaqo mid aad wax u go’aamiya ah, shaqsiyan anigu waan u farxi doonaa haddii uu ku guuleysto”.