Chelsea ayay wararku sheegayaan inay ka shaqaynayso saxeexa daafaca dhexe ee kooxda AS Monaco ee Benoit Badiashile xilli ay doonayso xoojinta daafaceeda dhexe qaybta dambe ee xilli ciyaareedka.
Blues ayaa hore u dhammaystirtay suuqa oo xidhan amaba ku dhaw inay dhammaystirto saxeexyada Christopher Nkunku oo xagaaga dambe RB Leipzig kaga imanaya, Santos oo Vasco Da Gama kaga soo wajahan iyo Datro Fofana oo Molde kaga soo biiraya.
Daafac dhexe oo cusub ayaa muhiim u ah Blues waxayna haatan ishoodu qabatay Badiashile, waxay durba wadahadalo kagala jiraan saxeexiisa Monaco sida uu sheegayo saxafiga lagu kalsoon yahay ee David Ornstien.
Sida warbixinta lagu sheegay, Chelsea ayaa diyaar u ah inay 35 Milyan oo euro ka bixiso 21 sano jirka French-ka ah.
Badiashile ayaa Monaco kuliyadeeda da’yarta ku biiray sanadkii 2016 isagoo halkaas kasoo hano-qaaday kana mid noqday xiddigahooda muhiimka ah.
Badiashile ayaa 135 kulan usoo ciyaaray Monaco tan iyo markii uu joogto ka noqday kooxdeeda xilli ciyaareedkii 2018-19 isagoo lix gool iyo saddex caawimo diiwaan gashaday mudadaas.
