Khadka dhexe ee Real Madrid ee Luka Modric ayaa ah mid ay ka go’antahay inuu sii joogo kooxdiisa Real Madrid wax dhaafsiisan xilli ciyaareedkan 2022-23.
Modric ayaa door weyn ka ciyaaray Koobkii aduunka ee December 2022 ka qabsoomay Qatar isagoo booska saddexaad ku hoggaamiyay xulkiisa Croatia.
Modric ayaa kaddib ku noqday Madrid xilli uu galayo lixdii bilood ee ugu dambeeyay ee heshiiska uu ku joogo Santiago Bernabeu.
Modric ayaa sanadihii ugu dambeeyay kolba hal sano kordhinayay heshiiska Los Blancos taas oo qayb ka ah siyaasada kooxda ee xiddigaha 30 sano jir ka weyn.
Sida uu haatan sheegayo wargeyska Marca, kooxda ree Saudi Arabia ee Al-Nassr ayaa doonaysa saxeexa Luka balse 37 sano jirkaas ayaan ogolaanin ilaa haatan.
Al Nassr oo Jimcihii si rasmi ah ugu dhawaaqday saxeexa Cristiano Ronaldo ayaa doonaysa saxeexyada Sergio Ramos iyo Modric oo hore dhammaantood Madrid uga soo wada ciyaaray.
Real Madrid ayaa isha ku haysa saxeexa 19 sano jirka Borussia Dortmund ee Jude Bellingham, saxeexaas ayaa saamayn kara mustaqbalka Luka.
