Goolhayaha xulka Argentina ee Emiliano Martinez ayaa sharaxaad ka bixiyay ficil uu sameeyay oo hadal hayn badan dhaliyay intii uu socday dabaaldegoodii Koobka aduunka.
Martinez ayaa Koobkii saddexaad laba sano gudahood kula guuleystay Argentina isagoo aad muhiim ugu ah guulaha xulkaas ee dhawaanahan.
Badbaadadii uu Martinez goolka cad kaga qabtay Kolo Muani dhammaadkii Finalkii Koobka aduunka ayaa ah mid ilaa haatan si weyn loo hadal hayo.
Kaddib saddex kulan oo uu shabaqiisa ilaashaday, Martinez ayaa ku guuleystay abaalmarinta gacanta dahabka ah oo la siiyo goolhayaha ugu wanaagsan tartanka.
Si kastaba, goolhayaha Aston Villa ayaa markii uu gacantaas dahabka ah qaatay ku sameeyay ficil aan fiicnayn oo ah inuu ku metaalay xubintiisa taranka.
Emi ayaa sharaxaada uu bixiyay ku sheegay sababta ah inay kusoo qayliyeen taageerayaasha France ee gudaha garoonka ku sugnaa oo uu iyaga ugu jawaabayay.
“Waxaan sidaas u sameeyay sababtoo ah French-ka ayaa igu soo ooriyay, kibirka anigu ma aqbalo” ayuu u sheegay cod-baahiyaha ree Argentina ee La Red.
