Garsooraha Ugu Xun Horyaalka Premier League Oo Loo Dhiibay Kulanka Manchester United vs Arsenal

Premier League ayaa shaaciyey in kulanka adag ee Manchester United ay Axadda safarka ugu tegayso Arsenal uu dhaxdhaxaadin doono garsooraha khibradda badan ee Anthony Taylor, hase yeeshee taageereyaasha Manchester United ayaa ka walaacsan sababtoo ah waxay u aqoonsan yihiin in uu yahay garsooraha ugu xun Ingiriiska.

Taylor oo 44 jir ah ayaa la isku raacsan yahay inuu ka mid yahay garsooreyaasha ugu wanaagsan dunida, waxaana uu ka mid ahaa labadii siidhiwale ee Ingiriiska  ahaa ee loo doortay Koobkii Adduunka ee Qatar.

Manchester United oo ku jirta qaab wanaagsan, isla markaana kaalinta saddexaad soo gashay ayaan jeclayn Anthony Taylor, waxaanay taageereyaasheedu walaac ka muujiyeen go’aanka Premier League uu Taylor ugu dhiibay kulanka adag  ee Arsenal ay martida ugu noqonayaan Axadda.

Guul ay gaadho Manchester United ay kusoo gaabin kartaa farqiga Gunners, sidoo kalena waxay cidhiidhsan kartaa kaalinta labaad ee horyaalka Premier League, halka haddii laga badiyana ay hoos ugu dhici karaan kaalinta afraad.

Arsenal oo Axaddii soo dubatay Tottenham ayaan dhibaato u arag garsoore Taylor, laakiin Manchester United ayaa xasuusan go’aamadii uu garsooruhu qaatay kulankii Aston Villa oo ay cabasho badan ka muujiyeen.

Sidoo Kale Akhri

DEG-DEG: Pep Guardiola Oo Shandadiisa Ka Xidh-xidhay Man City

February 7, 2023

DEG-DEG: Manchester City Oo Loo Diiday In Ay Xataa Heerka Labaad Ka Ciyaarto & Burburka Ay Waajahayso Kooxdu

February 7, 2023

Baraha bulshada ayay taageereyaasha Manchester United kaga falceliyeen go’aanka Taylor  loogu dhiibay kulanka Emirates Stadium, waxaana mid ka mid ah uu soo qoray: “Guulihii way soo dhamaadeen.”

Mid kale ayaa isaguna soo qoray: “Arsenal waxay garoonka kusoo geli doontaa 12 ciyaartoy”

Taageere saddexaad oo Manchester United ah ayaa isaguna soo qoray: “Rikoodhe ayaa loo dhigi doonaa Arsenal.”

Intaas kuma aanay ekaanin e, mid kale ayaa isaguna yidhi: “Ah waxa la gaadhay meeshii lagu dhamayn lahaa guulaha.”

Si kastaba ha ahaatee, Manchester United ayaa waxay ka cadhaysan tahay labadii ciyaarood ee Aston Villa iyo Nottingham Forest ee xilli ciyaareedkan oo uu Anthony Tylor hayay.

Aston Villa ayaa waxay ciyaarteeda ku badisay 3-1 iyadoo uu Lucas Digne laad xor ah dhaliyey, waxaana uu xidhiidhka garsooreyaasha ee PGMOL uu qirtay in uu garsoore Tylor qalad sameeyey ciyaartaas.