Luis Suarez ayaa weerar ku qaaday FIFA isagoo ka haray Koobkii Adduun ee ugu danbeeyay waayihiisa ciyaareed.
Weeraryahanka reer Uruguay oo 35 sanno jir ah ayaa aad uga careysnaa garsooraha ka dib markii ay ku hareen goolasha la dhaliyay iyadoo South Korea ay soo baxday bedelkooda.
Suarez ayaa sheegay in FIFA ay ka horjoogsatay inuu caruurtiisa arko ka dib dhamaadkii ciyaartii ay ku hareen ee ay ka badiyeen Ghana.
Xiddigii hore ee Barcelona ayaa yiri: “Waxay iigu muuqataa in Uruguay ay u baahan tahay inay awood dheeri ah yeelato, FIFA mar walba waxay ka soo horjeedaa Uruguay.
“Ka dib ciyaarta waxaan doonayay inaan arko caruurteyda, dadka FIFA ka socda ayaa igu yiri “maya” – hadana ciyaaryahan France ka tirsan ayaa loo ogolaaday inay caruurtiisa ugu yimaadaan kursiga keydka.
“Dadka maamula FIFA iyo guddiga garsoorka waa inay sharaxaad ka bixiyaan hab dhaqankaas iyo sababta aysan rigoorooyin cad inoogu dhigin. Jimcihii sidoon kale labo rigoore ayay inaga diideen.”
Suarez ayaa xirtay inuu ka murugeysnaa inuu tartanka ka baxayo isagoo aan wiilkiisa siin karin xusuus farxadeed.
Wuxuu yiri: “Nasiib ayaan u leeyahay inaan ka ciyaaro Koobkii Adduun ee afaraad, waxaanse ka fekeryay wiilkeyga afar jirka ah oo la baxaya muuqaalo murugo leh.”
Mar danbe ayaa Suarez loo ogolaaday inuu caruurtiisa u tago oo uu xabadka geliyo.
