Martigelinta Koobka Adduunka waa mas’uuliyad weyn, waana mid si weyn u qalqal gelineysa dalka yar ee Qatar.
Todobaadyadii ugu danbeeyay waxaa dowlada Qatar lagu cadaadinayay rikoodhkooda xun ee xuquuqda aadanaha iyo sida ay u la dhaqmeen shaqaalihii ay ku dhiseen garoomada oo boqolaal ka mid ah ay geeriyoodeen.
Marka intaas laga yimaado Qatar waxay wajaheysaa haatan eedeymo halis badan oo ilays xun ku iftiininaya.
Sida uu shegay Amjad Raha oo ah khabiirka arimaha siyaasada iyo agaasime goboleedka Britain ee fadhigioodu yahay Sacuudi Areebiya, Qatar waxay laaluush siisay qaar ka mid ah ciyaartoyda xulka Ecuador si ay u badiyaan kulanka furitaanka.
Waxa uu sheegay in sideed ka mid ah ciyaartoyda xulka Ecuador inay lagu laaluushay lacag gaareysa 7.4 milyan doolar si ay u ogolaadaan inay Qatar badiso Axada.
Khabiirkaan ayaa sheegay inuu warkaan ka soo xigtay dad ka tirsan Ecuador iyo Qatar oo u xaqiijiyay, waxaana uu dunida weydiistay in laga soo horjeesto musuq maasuqa FIFA.
Sida lagu sheegay warbixinta, Qatarayiintu waxay u bandhigeen ciyaartoyda Ecuador lacag si ay 1-0 ugu badiyaan qeybta labaad ee ciyaarta furitaanka.
Eedeyntaan ayaa sii xoojineysa eedeymihii la xiriiray in Qatar ay malaayiin doolar ku bixisay martigelinta Koobka Adduunka.
Labo maalin ka hor bilowga Koobka Adduunka, weli dowlada Qatar kama jawaabin eedeymahaan.
