Tababare Erik ten Hag ayaa la kulmay wakiilka xiddiga reer Germaany ee Marco Reus, waxaanay ka wada hadleen sidii uu laacibkan Borussia Dortmund u iman lahaa Old Trafford xagaaga foodda inagu soohaya.
Marco Reus ayaa uu qandaraaskiisa Borussa Dortmund ku egyahay dhamaadka xilli ciyaareedkan, waxaana uu tababare Erik ten Hag doonayaa inuu si xor ah kula soo wareego.
Saxaafadda Ingiriiska ayaa heshay xogta wada-hadalka dhax maray Erik ten Hag iyo wakiilka Marco Reus oo la sheegay in uu toddobaadkiimushahar u qaato £200,000 Gini, waxaana laacibkan si weyn u doonaya Erik ten Hag oo taageere weyn u ah xiddigan.
Dirk Hebel iyo Ten Hag ayaanu midkoodna faahfaahin ka bixin, hase yeeshee waxa la sheegay in uu wakiilkani ku sugnaa garoonka Old Trafford ciyaartii ay Manchester United 2-1 ku garaacday Man City toddobaadkan horraantiisii.
Dhinaca kalae, Borussia Dortmund ayaa la sheegay in ay amaah ku doonayso weeraryahanka ada’da yar ee Manchester United ee Anthony Elanga illaa dhamaadka xilli ciyaareedka, hase yeeshee Red Devils ayay u taallaa shaqo adag oo ah inay Reus ku qanciyaan inuu yimaaddo Old Trafford sababtoo ah waxa lacag badan ula diyaar ah kooxda Sucuudiga ee Al-Nassr.
Reis ayaa sannadkii 2012 ay Borussia Dortmund kala soo wareegtay Borussia Monchengladback waxaana uu muddadaas tobanka sannadood ah u saftay 368 ciyaarood oo uu u dhaliyey 156 gool.
