Tababaraha kooxda kubadda cagta Manchester United ayaa shaaciyey magacyada saddex ciyaartoy oo uu kusoo daray kooxdiisa ka hor kulanka adag ee Manchester Derby ee galabta ay ku martigelinayaan Man City.
United oo xalay si rasmi ah ugu dhawaaqday heshiis amaah ah oo ay kula soo wareegeen weeraryahanka reer Netherlands ee Wout Weghorst oo illaa dhamaadka xilli ciyaareedkan ku sugnaan doona Old Trafford ayaa noqday saxeexii labaad ee bishan January waxaana ka horreeyey goolhaye Jack Butland oo ay kasoo qaateen Crystal Palace.
Weghorst ayay Manchester United usoo qaadatay si uu ugu buuxiyo booska afka hore ee weerarka ee uu banneeyey Cristiano Ronaldo, halka aButland uu isaguna beddelay Martin Dubravka oo dib ugu laabtay Newcastle United.
Kobbie Mainoo iyo Facundo Pellistri oo ciyaaray kulankii bdhtamaha usbuuca ayaa uu tababare Erik ten Hag meesha ka saaray inay amaah ku baxayaan, waxaana uu xaqiijiyey in ay qayb ka yihiin kooxdiisa koowaad oo aanu ku diri doonin amaah, waxaana sidaas oo kale ah Alejandro Garnacho oo qandaraaskiisa Old Trafford ku egyahay dhamaadka xilli ciyaareedka
Mainoo waa 17 jir usbuucyadii ugu dambeeyey tababarka la qaadanayay kooxda, sidoo kalena Garnacho iyo Pellistri ayaa iyagu horeba qayb uga ahaa tababarka, waxaana uu Ten Hag oo ka hadlayay yidhi: “Tirada ciyaartoyda aanu haysano iyo saxeexa Wout way na xoojinayaan. Waxa aanu haysanaa ciyaartooyo yaryar oo horumar samaynaya, waxaana tusaale ugu fiican ah Alejandro Garnacho laakiin sidoo kale waxaynu toddobaadkan aragnay Kobbie Mainoo iyo Facundo Pellistri. Waxay ila tahay in aanu haysano ciyaartooyo da’yar ah oo wanaagsan oo u dagaallamaya inay daqiiqadahooda helaan.”
