Halyeyga Manchester UNited ee Rio Ferdinand ayaa isbarbar-dhig ku sameeyey xiddigaha khadka dhexe ee Casemiro iyo Thomas Partey ka hor ciyaarta labadooda kooxood ee Axadda, taas oo si weyn isha loogu hayo dagaalka khadka dhexe ku dhax mari doona labadan ciyaartoy.
Kubbad-burburiyaha Brazil ee Casemiro oo xagaagii ay Manchester United lacag gaadhaysa £70 milyan oo Gini kaga soo iibsatay Real Madrid ayaa waxa uu si fiican ula jaan-qaaday horyaalka Premier League.
Khadka dhexe ee Manchester United ee kala daadsanaan jiray ayay Casemiro iyo Eriksen ka dhigeen mid soo noolaaday, waxaana uu Ferdinand rumaysan yahay in uu laacibkani u dheelayo sidii Paul Schoels iyo Michael Carrick oo kale.
Isaga oo kahadlayay bartiisa YouTube-ka ee FIVE, ayaa waxa uu sidoo kale soo qaaday Thomas Partey oo khadka dhexe uga ciyaara Arsenal oo laba sannadood ka hor kala soo wareegtay Atletico Madrid, waxaana uu yidhi: “Marka aad eego midkooda u muhiimsan kooxahooda, waad ku marmi karaan labada dhinacba, laakiin xogta la diiwangeliyey waxay sheegaysaa, in Casemiro uu dhulka jiiday Partey. Ilama aha in Partey uu aad ugu fiican yahay difaacista marka loo eego waxa uu samaynayo Casemiro.
“Ilama aha in uu Thomas Partey saamaynta Casemiro oo kale ku leeyahay difaaca.”
Kulanka Axadda ee Arsenal iyo Manchester United ayaa muhiim u ah labada dhinacba, waxaanay Gunners ku dedaali doontaa inay ka aargoosato Manchester United oo aha kooxda kaliya ee xilli ciyaareedkan ka badisay horyaalka Premier League.
