Xidhiidhada kubadda cagta ee toddoba waddan oo Yurub ah ayaa war-saxaafadeed wada-jir ah soo saaray, kaddib markii ay FIFA mamnuucday in kabtannada xulalkoodu ay xidhaan calaamadda Qowmu-luudka oo ay hore u ballan-qaadeen Harry Kane, Manuel Neuer, Gareth Bale iyo kuwo kale inay xidhan doonaan.
Xidhiidhka kubadda cagta Adduunka ee FIFA ayaa xalay shaacisay, in ciyaartoyda xidha calaamadda qowmu-luudka lagu ciqaabo doono kaadh uu garsooraha ciyaartu siin doono, isla markaana laga saari doono garoonka haddii uu kusii adkaysto.
FA-ga Ingiriiska oo ay wehelinayaan xidhiidhada Wales, Germany iyo kuwo kale ayaa waxay sheegeen, in go’aanka FIFA uu yahay mid aan la aqbali karayn oo uu ka hor imanayo xuquuqda aas-aasiga ah ee qowmu-liidka oo ay u ololaynayeen in Qatar lagu dhax faafiyo.
Ingiriiska ayaa waxa uu si gaar ah u sheegay, in kabtankooda Harry Kane oo hore ay u xaqiijiyeen inuu xidhan doono calaamadda Qowmu-luudka in aanu xidhan doonin ciyaarta galabta ee Iran ee garoonka Khalifa International Stadium oo loo dhiibay garsoore adag oo kadhka aan kala gabbanin ciyaartoyda.
