Waxa u muuqda mid dhinac u dhacay heshiiska ay kooxda Chelsea ku doonaysay khadka dhexe ee kooxda Benfica iyo xulka Argentina ee Enzo Fernandez.
Fernandez ayaa Benfica kusoo biiray kaliya dhawr bilood kahor suuqii xagaaga isagoo heshiis 18 Milyan oo euro ah ugaga yimid dhinaca kooxda River Plate.
Durba 21 sano jirkaas ayaa koox bedelasho samayn kara iyadoo ay xiisaynayaan qaar kamida kooxaha ugu waaweyn Yurub.
Waxa ugu weyn ee soo dadajiyay heshiis uu Fernandez koox weyn kaga dego ayaa ah bandhigii uu ka sameeyay Koobkii aduunka ee uu xulkiisa Argentina kula guuleystay.
Si kastaba, sida haatan lagu sheegay wargeyska ugu weyn Portugal ee Record, wadahadalka Chelsea iyo Benfica ayaa xalay sii socday iyagoo labada kooxood mudo dheer ka wada hadlayay sida ay ku heshiinayaan.
Record ayaa sheegaya in madaxweynaha Benfica ee Rui Costa aqbalay inuu iibiyo Enzo isla markaana haatan wakiilkiisa Jorge Mendes u duulay magaalada London si waxkasta loo dhammaystiro.
21 sano jirkaasi ayaa isagu xilli horeba aqbalay heshiiska shaqsiga ah ee ay Chelsea u bandhigtay, saxeexiisa ayaa ku biiraya lacagaha aadka u badan ee mulkiile Todd Boehly bixinayo.
Ugu dambayn, Chelsea ayaa la filayaa inay 127 Milyan oo euro ka bixiso saxeexa Fernandez iyagoo dhawr mar oo kala duwan lacagtaas bixinaya.
/origin-imgresizer.eurosport.com/2022/11/27/3498101-71309188-2560-1440.jpg "DEG-DEG: Xogtii Ugu Cuslayd Oo Kasoo Korodhay Heshiiska Rekoodhka Ah Ee Chelsea Ku Doonayso Enzo Fernandez 2")
