Tababaraha PSV ayaa ka dhawaajiyay goor dhaweyd inaysan heynin doorasho kale oo aan ka aheyn inay aqbalaan dalabka adag ee ay soo gudbisay Chelsea.
Madueke oo 20 sanno jir ah ayaa noqonaya saxiixii LIXAAD ee Chelsea ay sameyso bishaan Janaayo ka dib markii uu shalay tijaabada caafimaadka ugu soo duulay London.
Xiddiga garabka ka ciyaara ayaa qiimihiisa lagu sheegay 35 milyan ginni, wuxuuna imaanayaa maalmo ka dib markii ay Blues kala soo wareegtay Shakhtar Donetsk xiddiga xiisaha badan ee Mykhailo Mudryk.
Tababaraha PSV Eindhoven Van Nistelrooy ayaa qirtay in inkastoo uu ka xun yahay in Madueke uu baxo in hadana Chelsea ay soo gudbisay dalab u fiican dhinac walba.
Weeraryahankii hore ee Manchester United ayaa yiri: “Waa dareen isku dhafan.
“Waxaa inaga tagaya ciyaaryahan fiican sababtoo ah wuu baxayaa. Ma jirto meel looga laabto sababtoo ah dalab aad u fiican ayaa laga soo gudbiyay.
“Waan dareemayaa muhiimada ay kooxda u leedahay dhaqaalaha loo soo bandhigay. Marka la eego xaaladaha aan ku jirno, lacagta lagu soo dalbaday, waxaan go’aansanay inaan iibino.”
