DEG DEG: Ninka Ugu Taajirsan UK Oo Si Rasmi Ah U Gudbiyay Dalabkii Uu Ku Iibsanayay Manchester United

Ninka ugu taajirsan UK Jim Ratcliffe ayaa si rasmi ah u galay tartanka loogu jiro iibsashada Manchester United.

Qoyska Mareykanka ee iska leh kooxda ayaa suuqa soo dhigay bishii November, laakiin weli ma aysan helin cid si rasmi ah uga iibsata kooxda.

Shirkada uu leeyahay ninka ugu taajisan UK oo lagu magacaabo INEOS ayaa u xaqiijisay wargeyska The Times inay doonayaan inay iibsadaan Manchester United.

Waxay yiraahdeen: “Waxaan si rasmi ah u gudbinay dalabkii aan ku iibsaneynay kooxda”

Tartanka iibsashada Manchester United waxaa sidoo kale ku jira dalalka Bariga Dhexe gaar ahaan dowlada Qatar oo dooneysay inay maalgashi ku sameyso horyaalka Premier League.

Sidoo Kale Akhri

Liverpool Oo Soo Xirtay Suuqeeda Kala Iibsiga Xilli Laga Reebay FA Cup

January 29, 2023

Jurgen Klopp Oo Shaaciyay Labo Arimood Oo Sabab U Ahaa Guuldaradii Brighton Ee Maanta

January 29, 2023

Waxay sidoo kale xiiseynayaan ganacsato Mareykanka u dhashay iyo kuwa qaarada Aasiya ka soo jeeda.

Laakiin taajirkaan 70 sanno jirka ah ayaa ah shaqsigii ugu horeeyay ee si rasmi ah u shaaciya inuu xiiseynayo iibsashada Manchester United.

Manchester United ayaa la filayaa inay milkiile cusub yeelato bisha Febraayo iyadoo qoyska Glazers ay doonayaan inay isbuucyada soo socda dardargeliyaan iibinta kooxda.

Glazers ayaa filanaya inay faa’ido weyn ka sameeyaan iska iibinta Manchester United, madaama ay ku iibinayaan dhowr bilyan ginni.