Isku-aadka wareegga 16ka tartanka Copa del Rey ayaa lagu dhawaaqay, waxaana isku beegmay kooxo waaweyn oo horyaalka LaLiga ka wada ciyaara oo kulamadoodu xiise gaar ah u yeeli doonaan wareeggan.
Kooxda difaacanaysa koobka ee Rea Betis ayaa maraysa imtixaan fudud marka loo eego naadiyada kale qaarkood, waxaanay isku dhaceen oo aykala calaf-qadi doonaan Osasuna oo haddii ay soo dhaafaan ay iman doonaan wareegga siddeedda iyaga oo u dagaallami doona in ay difaacdaan koobka labaad ee ugu qiimahaa badan Spain.
Real Sociedad oo sannadkii 2020 ku guuleysatay koobka ayaa waxay isku beegmeen Real Mallorca, halka Real Madrid ay foodda isla galeen naadiga ay caawa wada dheelayaan horyaalka LaLiga ee Villarreal.
Barcelona oo si dhib badan kusoo gudubtay ciyaartii ugu dambaysay ayaa waxay mar kale ku noqonaysaa kooxaha heerarka hoose, waxaanay isku dhaaceen AD Ceuta oo heerka saddexaad ee Spain ah, halka Atletico Madrid ay kala calaf-qaadi doonaan Levante oo hadda ka mid ah kooxaha heerka labaad ee Spain.
Isku-aadka wareegga 16ka Copa del Rey
AD Ceuta – FC Barcelona
Levante UD – Atlético de Madrid
Sporting Gijon – Valencia
Alaves – Seville
Real Betis – Osasuna
Villarreal – Real Madrid
Real Sociedad – Majorca
Athletic – Espanyol
Goorma ayaa la ciyaarayaa wareegyada 16ka illaa finalka Copa del Rey?
Waqtiga wareegga 16ka: January 17-18.
Waqtiga la ciyaarayo wareegga siddeedda: January 25.
Waqtiga lugta hore ee semi-finalka: February 8.
Waqtiga lugta labaad ee semi-finalka: March 1.
Waqtiga la ciyaarayo finalka: May 6.
