Waxaa caawa soo gabagaboobay kulamadii wareega 16ka ee Koobka Adduunka iyadoo 8 xul ay u soo gudbeen wareega sideed dhamaadka Koobka Adduunka.
Portugal ayaa aheyd xulkii ugu danbeeyay ee u soo baxa wareega sideed dhamaadka ka dib markii ay 6-1 ku xasuuqeen Switzerland, halka Morocco ay iyadana soo baxday maanta ka dib markii ay rigoorayaal ku reebeen Spain.
Wareega sideed dhamaadka Koobka Adduunka ayaa bilaabanaya maalinta Jimcaha iyadoo ay ciyaari doonaan xulalka Croatia iyo Brazil halka ay sidoo kale isla maalintaas ay dheeli doonaan xulalka Netherlands iyo Argentina.
Labada kulan kale ee wareega sideed dhamaadka waxaa la dheeli doonaan Sabtida marka ay France iyo England isku dhacaan, waxaa isla maalintaas sidoo kale dheeli doona Morocco iyo Portugal.
Semi-finalka waxa uu bilaaban doonaa 13ka December iyadoo ay isku dhici doonaan xulkii soo baxa Netherlands iyo Argentina oo ku dhici doona xulkii soo baxaya Croatia iyo Brazil.
Kulanka kale ee semi-finalka oo dhici doona 14ka December wuxuu dhexmari doonaa xulkii soo baxa Portugal iyo Morocco oo ku dhici doona xulkii soo baxa France iyo England.
Isku Aadka Wareega Sideed Dhamaadka Oo Dhameystiran:
Jimcaha
Croatia vs Brazil
Netherlands vs Argentina
Sabtida
Morocco vs Portugal
France vs England
Isku Aadka Semifinalka:
13ka Disember
Croatia/Brazil vs Netherlands/Argentina
14ka Disember
Morocco/Portugal vs France/England
