Xiddiga khadka dhexe ee Juventus Adrien Rabiot ayaa lagau waramayaa inuusan taam u aheyn inuu ciyaaro kulanka caawa ee semifinalka Koobka Adduunka ee France iyo Morocco.
Ciyaarta waxay bilaabaneysaa 10pm Saacada Geeska Afrika iyadoo xulkii guuleysta uu Axada finalka la ciyaari doono Argentina.
Faransiiska waxaa soo wajahay walaac badan ka dib markii duray uu ku faafay kooxda dhexdiisa iyadoo uu saameyn xoogan ku yeeshay ciyaartoyda kala ah Rabiot iyo Dayot Upamecano.
Sida ay sheegeyso jariirada Faransiiska ee L’Equipe labada ciyaaryahan caafimaadkooda ma ahan mid fiican sidaasi darteed kuma soo bilaaban doonaan shaxda France caawa.
Wararka ayaa sheegay in Adrien Rabiot inuusan qeyba ka noqon doonin kooxda caawa isagoo looga soo tagay huteelka xulka Faransiiska si uu u nasto.
Youssouf Fofana ayaa la filayaa inuu buuxiyo booska uu ka maqan yahay Rabiot. Halka booska Upamecano la filayo inuu buuxiyo Ibrahim Konate.
🚨 Adrien Rabiot et Dayot Upamecano ne seront pas titulaires ce soir. Malades, le milieu de terrain et le défenseur central n'avaient pas pris part à la séance d'entraînement collective de veille de match.
— RMC Sport (@RMCsport) December 14, 2022
Xiddiga Juventus aya amuhiim u ahaa Faransiiska Koobkaan Adduunka isagoo ciyaaray dhamaan shantii kulan ee ay France dheeshay Koobka Adduunka.
Wuxuu ku soo bilowday afar kulan oo ka mid ah halka kulanka kale uu kursiga keydka ka soo kacay, waana kulankii ay guuldarada 1-0 kala kulmeen Tunisia.