Denmark ayaa hormood u noqonaya olole ay dalalka waaweyn ee Yurub doonayaan inay kaga baxaan xidhiidhka kubadda cagta Adduunka ee FIFA, kaddib markii loo diiday in ay calaamadda khaniisiinta xidhaan kabtannadooda Koobka Adduunka ee ka socda waddanka Qatar.
Toddoba waddan oo ay ku jiraan Denmark, England, Germany iyo Wales ayaa hore u shaaciyey, in ay kabtannadoodu xidhanayaan calaamadda khaniisiinta inta uu socdo Koobka Adduunka, hase yeeshee uu xidhiidhka kubadda cagta adduunka ee FIFA mamnuucay in ay xidhan karaan calaamaddaas.
Guddoomiyaha xidhiidhka kubadda cagta Denmark oo lagu magacaabo Jesper Moller ayaa sheegay, in ay ka fiirsanayaan in ay gebi ahaanba 55ka dal ee Yurub oo lagu daray UK ay iskaga baxaan FIFA, maadaama loo ogolaan waayey inay qowmu-luudka iyo khaniisnimada ku faafiyaan dalka Islaamka ah ee Qatar.
Waxa kale oo ay Denmark sheegtay, in aanay taageeri doonin madaxweynaha FIFA ee Gianni Infantino oo doonaya in mar kale loo doorto inuu sii ahaado madaxa FIFA, taas beddelkeedana ay qorshaynayaan inay iskaga baxaan gebi ahaanba FIFA.
Kabtanka xulka qaranka England ee Harry Kane iyo midka xulka Germany ee Manuel Neuer iyo kuwo kale ayaa olole ballaadhan u galay in loo ogolaado inay xidhaan calaamadda kaniisiinta, iyaga oo isku dayaya inay fuliyaan qorshaha reer Galbeedku doonayaan inay ku fasahaadiyaan dhaqanka diinta Islaamka ku sallaysan ee Qatar, balse markii ay ku fashilmeen ayay hadda bilaabayaan olole ka dhan ah FIFA.
Ilaahay baa horay noogu sheegay gaalada dhagartooda iyo ineysan waligood kaa raali noqonayni ilaa aad miladooda qaadato. Iyaguu qaracan kudilay qawmu luudka, markaasay rabaan Iney nala soo galaan anaga.
Haka baxaan haday rabaan