Tababaraha xulka qaranka Faransiiska ee Didier Deschamps ayaa si jees-jees ah ugu jawaabay Karim Benzema oo xalay ka hadlay ka maqnaanshihiisa xulka qaranka Faransiiska oo uu xusay in aanu xiisanaynayn in uu dib ugu laabto, kaddib markii ay soo baxday xaqiiqada uu kaga maqan yahay Koobka Adduunka oo ah in uu Didier Deschamps ka saaray xulka isaga oo aan qabin dhaawac weyn.
Deschamps ayaa mar dhoweyn la hadlay saxaafadda ka hor finalka Koobka Adduunka ee berri, waxaana uu ka jawaabay su’aashii uu ka meeraysan jiray ee ku saabsanayd in Karim Benzema uu finalka ciyaari doono.
Faransiiska oo uu kusii faafayo Caabuqa Geela oo kaga dhacay Varane, Konate iyo Coman ayaa wali ka maqan garoomada oo caabuqani ku dhacay, waxaanu sheegay in uu walaacsan yahay.
Su’aal laga weydiiyey Karim Benzema oo la sheegay in isaga oo kaliya saddex maalmood oo daaweyn ah kaga soo kaban karaya dhaawaca, in uu ka caydhiyey xulka, ayaa waxa uu ka jawaabay hadal uu xalay weeraryahanka Real Madrid kusoo qoray bartiisa oo ahaa in aanu xiisaynayn inuu dib ugu laabto Faransiiska.
Deschamps oo u jawaabaya Benzema ayaa yidhi: “Su’aashan miyaa loo qaybiyey wariyeyaasha? Haddii aadan uga jawaabin way cadhoonayaan. Aniga ciyaartooyo badan ayaa hore iiga dhaawacmay. Karim waa ka mid. Ciyaartoygii ugu dambeeyey ee dhaawacmay waa Lucas Hernandez. Intii markaa ka dambaysay, waxa aan haystay 24 ciyaartoy. Iga joojiy su’ashan, berrina 24kaa ciyaartoy ayaan haysanayaa.”
Arxandaro ka so dhex saara marka waxaasba page fadhiya xooolo la isku keenay