Xulka Ingariiska ayaa ku dhawaaqay in Ben White uu isaga tagay xerada Koobka Adduunka ee xulka Ingariiska islamarkaana uu u duulay sababo shaqsi ah darteed.
Daafaca England lama filayo inuu ku laabto xulka England ee Qatar ku sugan inta ka harsan Koobka Adduunka.
Warbixin ay soo saareen xiriirka kubada cagta Ingariiska ayaa lagu yiri: “Ben White wuxuu isaga tagay xarunta tababarka xulka England ee Al-Wakrah, wuxuuna ku laabtay England sababo shaqsi ah darteed.
“Daafaca Arsenal lama filayo inuu ku soo laabto xulka inta ka harsan tartanka.
“Waxaan codsaneynaa in la ixtiraamo nolosha garka ah ee ciyaaryahanka waqtigaan.”
Ben White kooxdiisa Arsenal ayaa iyadana ku soo qortay Twitter: “Dhamaanteen ayaa kula jirna Ben.”
25 jirkaan ayaan ciyaarin seddexdii kulan ee ay ilaa iyo haatan England ciyaartay Koobka Adduunka.
White wuxuu ahaa bedel aan la isticmaalin labadii kulan ee ugu horeysay halka uu xulka gabi ahaanba ka maqnaa kulankii ay 3-0 uga badiyeen Wales.
Weli lama oga waxa ku dhacay White iyo sababaha shaqsiyadeed ee sababay inuu ka tago xulka Ingariiska.
